Elordada koronavirýstyń úndi shtammy anyqtaldy. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Nur-Sultan qalasynda KVI-men aýyrǵan naýqastan alynǵan oń zerthanalalyq úlgige PTR skrining júrgizý nátijesinde «delta» shtammyna nemese úndi shtammyna tán yqtiamal mýtatsiia anyqtaldy. Koronavirýstyń «delta» shtammy joǵary juqtyǵyshqa ie jáne shtamm anyqtalǵan naýqastardyń 60 paiyzynda ol 7 kúnge deiingi barynsha qysqa inkýbatsiialyq kezeńimen erekshelenedi. Taiaýda júrgizilgen zertteýler koronavirýstyń Úndi shtammy emhanaǵa túsý jáne ólim-jitimniń joǵary bolýymen bailanysty ekendigin kórsetti», - dedi ministr.
Sonymen qatar onyń aitýynsha, bul mýtatsiiany juqtyrǵandarda býyndar men ishtiń qatty aýrýy, estý qabiletin joǵaltý syndy qosymsha simptomdar tán bolyp otyr.
«Dúniejúzilik densaýlyq saqtaý uiymynyń dereginshe, SARS-CoV-2 «delta» shtammy álemniń 74 elinde anyqtalyp otyr. Úndi shtammyna tán juqtyrǵyshtyq, aýrýdyń aýyr ótýi syndy málimetterdi eskere otyryp, óńirler dárilik zattardyń jetkilikti qoryn, ókpeni jasandy jeldetý apparatyna arnalǵan shyǵys materialdaryn, jeke qorǵanysh zattaryn, rezervtik tósek-oryn qoryn qamtamasyz etip, KVI juqtyrǵan naýqastarǵa meditsinalyq kómek kórsetý úshin jedel járdem qyzmeti men utqyr brigadalardy daiyndyqqa keltirýi qajet», - dedi Aleksei Tsoi.
