Elordada «Omikron» shtammy Sars-Cov-2 virýsynyń taralýyna bailanysty qaladaǵy epidemiologiialyq ahýal kúrt nasharlady, dep habarlaidy QazAqparat.
QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiiasynyń Telegram kanalynyń málimetterine qaraǵanda, ótken eki aptada virýs kúnine 80 adamnan anyqtalyp jatty.
Sońǵy bes kúnde aýrýshańdyq deńgeii 5,5 esege artty. Reprodýktivti sany-3,2 . Úles salmaǵy – 376,6 quraidy. Búginde jańa jaǵdailardy tirkeý sany 1442-ge jetti. Qańtardyń alǵashqy 10 kúninde barlyǵy 4622 jaǵdai tirkeldi, bul ótken jeltoqsan aiynyń barlyq kórsetkishterinen 1,7esege artyq ekenin kórsetip tur.
Ótken jyldyń jeltoqsan aiynyń sońynda júrgizilgen molekýliarlyq-genetikalyq zertteýlerdiń nátijeleri boiynsha bir synamada KVI-dyń iriktelgen 25 oń synamasynan «Omikron» shtamy anyqtaldy. Bul jaǵdai 16 jeltoqsanda shetelden kelgen qala turǵynynan da anyqtaldy. Ol PTR testiniń teris nátijesimen keldi, biraq 22 jeltoqsanda tamaq aýrýymen meditsinalyq kómekke júgindi, sodan keiin tekserilip, oń materialdy biz tekseriske jiberdik.
Mundai kúrt ósýdiń negizgi sebepteriniń biri – «omikron» koronavirýsynyń jańa shtamynyń taralýy jáne azamattardyń qala boiynsha belsendi qozǵalysymen bailanysty. Sonymen qatar qorǵanys sharalaryn elemeýi, iaǵni maska taqpaý, adamdar kóp jinalatyn jerlerge barýy sebep bolyp otyr.
«Eger sizde PTR testi oń bolsa nemese siz naýqastarmen tyǵyz bailanysta bolsańyz, onda siz úi karantininde bolýyńyz kerek, óitkeni siz basqalarǵa úlken qaýip tóndirýshi ekenin umytpaýdy suraimyz»,-delingen habarlamada.
