Elordada koronavirýstyq infektsiiamen kúres aiasyndaǵy is-sharalardy qarjylandyrýǵa 35,38 mlrd teńge jumsaldy. Bul týraly «Áleýmettik meditsinalyq saqtandyrý qory» KEAQ Nur-Sultan qalalyq filialynyń direktory Nurlybek Qabdyqaparov aitty, dep habarlaidy QazAqparat.
«Osy jyly qor ambýlatoriialyq-emhanalyq deńgeidegi meditsinalyq qyzmetterdiń qoljetimdiligin keńeitip, kúndizgi statsionar qyzmetin qarjylandyrý kólemin kóbeitti. Birshama qarjy pandemiia jaǵdaiyn jáne tsifrlandyrý múmkindikterin eskere otyryp, qashyqtyqtan kórsetiletin meditsinalyq qyzmetterdi odan ári engizýge jumsalýda»,- dedi ol onlain brifing barysynda.
Nurlybek Qabdyqaparovtyń aitýynsha, Nur-Sultan qalasy boiynsha 2021 jyldyń 9 aiynda koronavirýstyq infektsiiamen kúres aiasyndaǵy is-sharalardy qarjylandyrý 35,38 mlrd teńgeni qurady. Onyń ishinde: meditsina qyzmetkerlerine ústemeaqylar – 17,38 mlrd teńge; meditsinalyq kómekke jáne KVI taralýyn boldyrmaý jónindegi qyzmetterge – 13,75 mlrd teńge jumsaldy. Karantindik jáne infektsiialyq statsionarlarǵa 42,7 myńnan astam adam emdeýge jatqyzyldy jáne emdeldi. KVI taralýyn boldyrmaý úshin statsionar aiasynda úige kep kórsetiletin meditsinalyq kómekke 1,88 mln teńge jumsalyp, 60 adam emdeldi. PTR diagnostika qyzmetine 3,41 mlrd teńge bólinip, 482,1 myń PTR-test jasaldy. Mobildi brigadalardyń shyǵýyna 838,73 mln teńge ketti. Olar 145,5 myń shaqyrtýǵa shyqty.
«Elorda turǵyndary koronavirýstyq infektsiia jáne pnevmoniia kezinde meditsinalyq kómekti meditsinalyq saqtandyrý júiesindegi mártebesine qaramastan tegin alady. Koronavirýstyq infektsiiamen nemese ortasha, aýyr jáne asa aýyr deńgeidegi pnevmoniiamen aýyrǵan patsientter Meditsinalyq saqtandyrý qorynyń qarajaty esebinen ońaltýdan óte alady. Azamattar úiinde emdeldi me, álde aýrýhanada emdeldi me, oǵan qaramaidy. Meditsinalyq ońaltýǵa joldama reabilitolog mamannyń qatysýymen aýrýhananyń nemese emhananyń mýltidistsiplinarlyq komandasynyń qorytyndysy boiynsha beriledi», - dedi filial direktory.
