Nur-Sultan qalasynda turǵyn úidiń altynshy qabatyna krannyń qulaýyna jol bergen jaýapty uiym ákimshilik jazaǵa tartyldy, dep habarlaidy QazAqparat.
«Áleýmettik jelige monitoring júrgizý barysynda Nur-Sultan qalasy Esil aýdany Uly dala dańǵyly men Qabanbai batyr dańǵylynyń qiylysynda ornalasqan bas merdigeri «Bazis Construction» JShS sanalatyn qurylys nysanynda avtokrannyń ónerkásiptik qaýipsizdik qaǵidalaryn buzǵany týraly beinerolik anyqtaldy», - degen jaýap keldi Tótenshe jaǵdailar ministrligi ónerkásiptik qaýipsizdik komitetinen.
Habarlamada aitylǵandai, qalalyq ónerkásiptik qaýipsizdik departamentiniń inspektorlary oqiǵa ornyna baryp, bolǵan jaǵdaidyń mán-jaiyn teksergen.
«Avtomobil kranynyń operatory (XZJ5281JQZ50K) qaýipsizdik tehnikasyn buzyp, obektiniń qyzyl syzyǵynyń aýmaǵynan tys júk tasymaldaǵany anyqtaldy. Memlekettik inspektorlar avtomobil kranynyń menshik iesi «Bas tehnika» JK iesine túsindirme jumysyn júrgizdi. Sonymen qatar qaýipsiz jumys isteý qaǵidasyn buzǵany úshin QR ÁQBtK 298-babynyń 1-bóligi boiynsha merdigerge aiyppul salynyp, ákimshilik jazaǵa tartyldy», - deidi atalǵan vedomstvodan.
