Elordada 1 qyrkúiekten bastap mektep, jeńildigi bar jáne azamattardyń barlyq sanattary úshin kólik kartasyn jasatý jáne qaita shyǵarý baǵasy 500 teńge bolady, dep habarlaidy "Ult aqparat" CTS kompaniiasynasilteme jasap.
Kólik kompaniiasynyń túsindirýinshe, qymbattaý kartany shyǵarýǵa jumsalatyn material qunynyń artýyna bailanysty bolǵan.
«Kólik kartasynyń baǵasy ony daiyndaý kezindegi dollardyń teńgege shaqqandaǵy baǵamyna, kóp deńgeili saqtaý júiesi bar NXP chipin qoldanýda, paidalanylatyn jabdyqty jóndeý jáne tehnikalyq qamtamasyz etýge ketetin shyǵynǵa, tirkelý, fotosýret sekildi basqa da málimetterdi engizý úshin jumsalatyn shyǵynnan quralady», delingen habarlamada.
Buǵan deiin satyp alynǵan karta jaramdy jáne ony aýystyrýdyń qajeti joq.
«Jol aqysyn tóleýdiń elektrondy júiesi 2016 jyly engizilgen. Kólik kartasynyń baǵasy 400 teńge deńgeiinde bekitildi. Ol birneshe devalvatsiia kezinde de ózgergen joq», delingen habarlamada.
Búginde elordada qoǵamdyq kólikte jol aqysyn túrli tásilmen tóleýge bolady. Kólik kartasy, SMS jiberý arqyly, QR kodty skanerleý arqyly, mobildi qosymshada kólik kodyn engizý arqyly, bank kartasymen, sondai-aq biometrikalyq málimetterdi paidalaný arqyly.
Osy kúnge deiin shyǵarylǵan kólik kartalarynyń sany 2 mln-ǵa jetti.
Solardyń ishinde elordada jáne qala mańynda turatyn 155 myńdai azamat jeńildigi bar kólik kartasymen qamtamasyz etilgen. Jeńildigi barlar qoǵamdyq kólikte tegin júredi.
Sondai-aq 200 myńnan astam oqýshyǵa ataýly kólik kartasy berilgen.
Nur-Sultan qalasynda jáne qala mańynda turatyn jáne oqityn 18 jasqa tolmaǵan balalar úshin qoǵamdyq kólikte jol júrý tegin. Mektep kólik kartasymen validatsiiany mindetti túrde jasaý kerek.
Eske sala ketsek, elordada 28 tamyzdan bastap avtobýs saǵat 23:00-ge deiin júre bastaidy.
