City Transportation Systems (burynǵy «Astana LRT») kompaniiasynyń basshysy Bekmyrza Igenberdinov Nur-Sultan qalasyndaǵy qoǵamdyq kólikter nelikten 23.00-ge deiin ǵana júretinin túsindirip berdi, dep habarlaidy QazAqparat.
«Bizdiń kompaniiada qozǵalysty 12:30-da da aiaqtaityn avtobýstar bar. Ekonomikaǵa qaraý kerek. 2017 jyly jańa baǵdarlardy iske qosqanymyz esterińizde bolar. Pikirler kóp edi. EKSPO kezinde qala ishindegi qozǵalys údep ketti. Alaida is júzindegi tájiribe qoǵamdyq kólikke túngi birde adamdar óte sirek otyratynyn kórsetti. Park qyp-qyzyl shyǵynǵa jumys isteýi múmkin», - dedi Bekmyrza Igenberdinov «Elordadaǵy qoǵamdyq kólik keshenin damytý: keshe, búgin, erteń» atty kórme-konferentsiiasynda.
Kompaniia basshysynyń aitýyna qaraǵanda, birneshe adamdy ǵana qoǵamdyq kólikpen alyp júrý eshqandai tabys ákelmeidi.
«Tiisinshe birqatar baǵdardyń túngi 24:00 nemese birge deiin qozǵalys ýaqytyn uzartý týraly aityp bereiin. Aýdan ákimdikterimen bul baǵytta taldaý jumystaryn júrgizip jatyrmyz. Kesteni qosý kerektigin túsinemiz. Eger belgili bir avtobýs qozǵalysty túngi 23.00-de toqtatyp tastasa, degenmen ol baǵdarǵa suranys bolsa qosymsha keste qosý týraly máseleni kóterip, túngi 00.15 ýaqytyna deiin avtobýstar júretindei tártip engizý týraly aita alamyz», - dedi spiker.
Sonymen qatar Bekmyrza Igenberdinov qazirgi ýaqytta júrgizýshilerdiń jetispei jatqanyn aitady.
«Úsh aýysymdy jumys tártibi týraly aitar bolsaq, 700-ge tarta júrgizýshi jetispeidi. Problemanyń aýqymy úlken. Keiingi 10 jylda mamandandyrylǵan D sanatyndaǵy júrgizýshilerdi daiarlaý formatyn joǵaltyp aldyq. Osydan baryp kásibi júrgizýshilerdi tabý qiynǵa túsip barady. Biliktilik ortalyǵynan kóptegen adam kelip jatqanymen kóbi qarapaiym ǵana erejeler boiynsha synnan óte almai jatyr. Basqa qalalardan keletin kásibi mamandar bar desek te, olardyń kóbiniń yńǵaiyna bizdiń trafik kele bermeidi. Sebebi kóbi óz qalasyndaǵy tynysh rejimge úirenip qalǵan», - deidi ol.
Bekmyrza Igenberdinov 2022 jylǵa qarai avtobýs parkteri jańartý úshin 500-ge tarta avtobýstyń kerektigin aityp ótti.
