Foto: QR MAM
2025 jyldyń 22 maýsymynda amfiteatrda «Klassikalyq óner» bóliminiń solisteri men Qazaq memlekettik simfoniialyq orkestriniń qatysýymen mýzykalyq kesh ótti, dep habarlaidy Ult.kz.
Bul is-shara Roza Baǵlanova atyndaǵy «Qazaqkontsert» memlekettik akademiialyq kontserttik uiymy «GRAND FEST» mýzykalyq festivali aiasynda uiymdastyrǵan kontserttik baǵdarlamalar seriiasynyń bir bóligi boldy.
Kontserttik baǵdarlamada álemdik jáne qazaq simfoniialyq, vokaldyq jáne kameralyq mýzyka úlgileri usynyldy. Kesh barysynda qazaq operalarynan ariialar men dýetter, halyq ánderi, romanstar, aspaptyq miniatiýralar men Otan taqyrybyndaǵy zamanaýi shyǵarmalar oryndaldy.
«GRAND FEST» festivali – elordanyń mádeni ómirindegi mańyzdy oqiǵaǵa ainalyp, otandyq mýzykalyq ónerdi nasihattaýǵa jáne qala turǵyndarynyń mádeni tynys-tirshiligin baiytýǵa baǵyttalǵan jobalardyń biri.
Ashyq aspan astyndaǵy amfiteatr sahnasynda túrli janr boiynsha jandy mýzyka oryndaldy. Bunyń barlyǵy túrli býyn ókilderin toptastyrǵan jyly ári shabyt syilaityn atmosferany qalyptastyrdy.
