Elordada jeti jasar qyz bala 100-den astam kishkentai magnitti jutyp qoiǵan. Hirýrgter ota jasap, balanyń murny men asqazanynan magnitterdi alyp tastady. Bala qazir emdelip jatyr, dep habarlaidy "Ult aqparat" qala ákimdigine silteme jasap.
Ata-analar balasyn damytýǵa arnalǵan oiynshyqtarmen qýantamyn dep júrip, onyń densaýlyǵyna qandai ziian keltirgenin bilmei qalýy da múmkin. Bul bir-birine jabysatyn magnit shar, tekshe, monshaq tárizdi oiynshyqqa qatysty.
Byltyr №2 Kópbeiindi qalalyq balalar aýrýhanasyna óńesh, asqazan, asqazan-ishek joldary (AIJ) jáne bronhtarǵa bógde zattar túsip ketken 162 bala kómekke júgingen.
«Negizinen túime, monshaq, pýlttiń batareiasy sekildi túrli usaq zatty jutyp qoiǵan 1 men 5 jas aralyǵyndaǵy balalar keledi. Dárigerler alyp tastaǵan bógde zattardyń 17 paiyzy – magnit. Kóbinese mundai jaǵdai bala oinap júrgende, qaraýsyz qalǵanda bolady», – deidi hirýrg-dáriger Serikjan Nurjanov.
Aýrýhananyń málimetinshe, 56 balanyń óńeshinen osyǵan uqsas bógde zattar alynǵan, 80 balanyń asqazan men asqazan-ishek jolynan osnydai zattar tabyldy, bóten zattar bronh jáne tynys jolyna túsip ketken 30 bala tirkelgen.
«Ótken aptada magnitti-rezonansty tomografiialyq (MRT) zertteý úshin aýrýhanaǵa túsken 7 jasar qyzǵa operatsiia jasaldy. Balanyń murnyn tekserý kezinde dárigerler bóten zattar murynyn (magnitter) bitep qalǵanyn anyqtady.
Osydan keiin bala rentgenge túsýge jiberilip, asqazanda magnitterdiń jinalǵany anyqtady. Nátijesinde biz 100-den astam kishkentai magnitti alyp tastadyq. Qazirgi ýaqytta balany tekserý jáne tolyq emdeý júrgizilip jatyr», – dedi aýrýhananyń hirýrgiia blogynyń jetekshisi Rinat Baigireev.
«Eger bala magnitti jutyp qoisa, ol óńeshte turyp qalady, al basqa jaǵdaida asqazanǵa túsedi. Odan ári bógde zattardyń asqazan-ishek joldaryna túsip ketýine ainalmaly bulshyq et kedergi keltiredi. Eger magnittiń ótkir, úshkir tustary bolsa, óńeshtiń shyryshty qabyǵyna ártúrli deńgeide zaqym keledi, tipti tilip ketýi múmkin. Ásirese aýyr zardaptar bóten zatty birden emes, birneshe kúnnen keiin alyp shyqqan kezder boldy. Qabyný saldarynan infiltratsiia ǵana emes, tinderdiń nekrozyn týdyratyn jara paida bolady», – dedi hirýrg-dáriger Serikjan Nurjanov.
Sondai-aq, ol bógde zat denede neǵurlym uzaq bolsa, bala úshin soǵurlym qaýipti.
«Eger bala bir magnitti jutyp qoisa, onda ol negizinen tabiǵi túrde ózi shyǵady. Eger olar denede uzaq ýaqyt bolsa jaǵdai qiyndaidy. Olar asqazan-ishek joldarynyń ártúrli bólikterine jabysyp qalady. Al jabysqan jerde nekroz perforatsiiaǵa deiin damidy jáne peritonitke ulasady. Eger tynys alý jolynda bógde zat bolsa, onda ol atelektazge ulasady, sol jerde perforatsiia, mediastinit paida bolyp, irińdei bastaidy, al eger asqazanǵa ne ishekke tússe de perforatsiia men peritonit týdyrady», – deidi maman Nurjanov.
Dárigerler ata-analarǵa saq bolýy kerektigin jáne mundai jaǵdaida dereý meditsinalyq kómekke júginý qajettigin eskertedi.
