Nur-Sultan qalasynyń bas memlekettik sanitarlyq dárigeri Sarhat Beisenova elorda mektepterindegi koronavirýs statistikasyn aityp berdi, dep habarlaidy QazAqparat.
«2021 jyldyń 1 naýryzyndaǵy jaǵdai boiynsha, oqý jylynyń basynan beri mektep oqýshylary arasynda 1103 COVID-19 jaǵdaiy tirkeldi. Onyń ishinde kezekshi synyp oqýshylary arasynda 263 nemese 23,8%, qashyqtan oqytý boiynsha oqýshylar arasynda 840 jaǵdai, iaǵni 76,2% kórsetken», - dedi S. Beisenova elorda ákimdiginde ótken onlain brifingte.
Sonymen birge, 1 aqpannan bastap qalada meditsina qyzmetkerlerin, 1 naýryzdan bastap – pedagogtar men kúsh qurylymdary qyzmetkerlerin vaktsinalaý bastaldy. Búginde 1 komponentpen 2241 adam, 2 komponentpen – 824 adam qamtylǵan.
Aita keteiik, elordada COVID-19 aýrýy qańtar aiymen salystyrǵanda 33,8%-ǵa tómendedi. Táýligine shamamen 68 infektsiia jaǵdaiy tirkeledi, onyń ishinde 37 jaǵdai simptomdy, 31-i simptomsyz túrde.
Qalada kóbinese 30-39 jastaǵy adamdar basym aýyrady, olar 24,8% quraidy. 50 jastan asqan adamdar – 23,5 % bolsa, balalardyń jalpy syrqattanýshylyqtaǵy úlesi – 14,9% quraidy.
