نۇر-سۇلتان قالاسىنىڭ باس مەملەكەتتٸك سانيتارلىق دەرٸگەرٸ سارحات بەيسەنوۆا ەلوردا مەكتەپتەرٸندەگٸ كوروناۆيرۋس ستاتيستيكاسىن ايتىپ بەردٸ, دەپ حابارلايدى قازاقپارات.
«2021 جىلدىڭ 1 ناۋرىزىنداعى جاعداي بويىنشا, وقۋ جىلىنىڭ باسىنان بەرٸ مەكتەپ وقۋشىلارى اراسىندا 1103 COVID-19 جاعدايى تٸركەلدٸ. ونىڭ ٸشٸندە كەزەكشٸ سىنىپ وقۋشىلارى اراسىندا 263 نەمەسە 23,8%, قاشىقتان وقىتۋ بويىنشا وقۋشىلار اراسىندا 840 جاعداي, ياعني 76,2% كٶرسەتكەن», - دەدٸ س. بەيسەنوۆا ەلوردا ەكٸمدٸگٸندە ٶتكەن ونلاين بريفينگتە.
سونىمەن بٸرگە, 1 اقپاننان باستاپ قالادا مەديتسينا قىزمەتكەرلەرٸن, 1 ناۋرىزدان باستاپ – پەداگوگتار مەن كٷش قۇرىلىمدارى قىزمەتكەرلەرٸن ۆاكتسينالاۋ باستالدى. بٷگٸندە 1 كومپونەنتپەن 2241 ادام, 2 كومپونەنتپەن – 824 ادام قامتىلعان.
ايتا كەتەيٸك, ەلوردادا COVID-19 اۋرۋى قاڭتار ايىمەن سالىستىرعاندا 33,8%-عا تٶمەندەدٸ. تەۋلٸگٸنە شامامەن 68 ينفەكتسييا جاعدايى تٸركەلەدٸ, ونىڭ ٸشٸندە 37 جاعداي سيمپتومدى, 31-ٸ سيمپتومسىز تٷردە.
قالادا كٶبٸنەسە 30-39 جاستاعى ادامدار باسىم اۋىرادى, ولار 24,8% قۇرايدى. 50 جاستان اسقان ادامدار – 23,5 % بولسا, بالالاردىڭ جالپى سىرقاتتانۋشىلىقتاعى ٷلەسٸ – 14,9% قۇرايدى.
