Qylmystyq isti tekserý politsiiasy elorda aýmaǵynda shoiyn liýkterdi urlaýmen ainalysyp júrgen adamdardy qolǵa túsirdi, dep habarlaidy "Ult aqparat" Nur-Sultan qalalyq politsiia departamentiniń baspasóz qyzmetine silteme jasap.
Olar 23 jastaǵy Soltústik Qazaqstan oblysynyń týmasy men onyń 20 jastaǵy tanysy bolyp shyqty. Ol – Qostanai oblysynyń turǵyny. Kúdiktiler 1 qyrkúiekten beri 15 liýkti urlaǵany anyqtaldy. Jigitter túnde «BMW» avtokóligimen indýstriialyq saiabaq mańyna kelip, qaqpaqtardy alyp ketip otyrǵan.
Qylmyskerler minip júrgen kólik beinetaspaǵa jazylyp qalǵan. Avtokóliktiń iesi anyqtalyp, politsiia bólimshesine jetkizildi.
Jigitter urlanǵan káriz qaqpaqtaryn Lesozavod aýdanyndaǵy temir qabyldaityn pýnktke ótkizgeni belgili boldy. Politseiler urlanǵan 15 liýkti tárkiledi.
Satyp alýshyny ákimshilik jaýapkershilikke tartý jáne ony «urlanǵan zatty satyp alýshy» retinde esepke alý máselesi qarastyrylyp, onyń áreketiniń zańdylyǵy tekserilip jatyr.
Qazirgi ýaqytta QR QK 188-baby (Urlyq) boiynsha tergeý bastaldy. Kúdiktilerdiń osy sekildi basqa da qylmystarǵa qatysy bar-joq ekeni tekserilip jatyr.
