Elordanyń bas sanitar dárigeri qaýlysynyń qoldanysta bolýyna qaramastan qalalyq tamaqtaný nysandary men kóńil kóterý oryndary tarapynan sanitarlyq talaptardy buzý jiilep ketken, dep habarlaidy "Ult aqparat".
Máselen, Nur-Sultan qalalyq politsiia departamentiniń málimetinshe, mobildi toptyń ótken demalys kúngi reid barysynda «El plaza» meiramhanasynda úilený toiy ótip jatqany anyqtalǵan. Toiǵa jinalǵan qonaqtardyń qatarynda qart adamdarmen qatar balalar da bolǵan. Sonymen qatar sol kúni Aqan seri kóshesi boiyndaǵy «Arna» meiramhanasynda 100-den astam qonaq tilashar toiynda bas qosqan.
«Meiramhana ielerine qatysty jinaqtalǵan materialdar QR Ákimshilik quqyq buzýshylyq týraly kodekstiń 425-babymen ákimshilik jaýapkershilikke tartý úshin ókiletti organǵa jiberildi. Demalys kúnderi quramynda Sanitarlyq-epidemiologiialyq baqylaý basqarmasynyń, ákimdiktiń ókilderi, volenterler men politsiia qyzmetkerleri bar mobildi top 125 kásipkerlik nysanyn tekserip, karantin rejimin buzýdyń 32 faktisin anyqtady», - dep atap ótedi departamentten.
Sondai-aq Nur-Sultan qalalyq politsiia departamenti elorda turǵyndaryna karantindi buzǵany úshin jaýapkershiliktiń bar ekendigin, sanitarlyq normalar men áleýmettik ara qashyqty saqtaý qajettigin eskertedi.
