ەلوردانىڭ باس سانيتار دەرٸگەرٸ قاۋلىسىنىڭ قولدانىستا بولۋىنا قاراماستان قالالىق تاماقتانۋ نىساندارى مەن كٶڭٸل كٶتەرۋ ورىندارى تاراپىنان سانيتارلىق تالاپتاردى بۇزۋ جيٸلەپ كەتكەن, دەپ حابارلايدى "ۇلت اقپارات".
مەسەلەن, نۇر-سۇلتان قالالىق پوليتسييا دەپارتامەنتٸنٸڭ مەلٸمەتٸنشە, موبيلدٸ توپتىڭ ٶتكەن دەمالىس كٷنگٸ رەيد بارىسىندا «El plaza» مەيرامحاناسىندا ٷيلەنۋ تويى ٶتٸپ جاتقانى انىقتالعان. تويعا جينالعان قوناقتاردىڭ قاتارىندا قارت ادامدارمەن قاتار بالالار دا بولعان. سونىمەن قاتار سول كٷنٸ اقان سەرٸ كٶشەسٸ بويىنداعى «ارنا» مەيرامحاناسىندا 100-دەن استام قوناق تٸلاشار تويىندا باس قوسقان.
«مەيرامحانا يەلەرٸنە قاتىستى جيناقتالعان ماتەريالدار قر ەكٸمشٸلٸك قۇقىق بۇزۋشىلىق تۋرالى كودەكستٸڭ 425-بابىمەن ەكٸمشٸلٸك جاۋاپكەرشٸلٸككە تارتۋ ٷشٸن ٶكٸلەتتٸ ورگانعا جٸبەرٸلدٸ. دەمالىس كٷندەرٸ قۇرامىندا سانيتارلىق-ەپيدەميولوگييالىق باقىلاۋ باسقارماسىنىڭ, ەكٸمدٸكتٸڭ ٶكٸلدەرٸ, ۆولەنتەرلەر مەن پوليتسييا قىزمەتكەرلەرٸ بار موبيلدٸ توپ 125 كەسٸپكەرلٸك نىسانىن تەكسەرٸپ, كارانتين رەجيمٸن بۇزۋدىڭ 32 فاكتٸسٸن انىقتادى», - دەپ اتاپ ٶتەدٸ دەپارتامەنتتەن.
سونداي-اق نۇر-سۇلتان قالالىق پوليتسييا دەپارتامەنتٸ ەلوردا تۇرعىندارىنا كارانتيندٸ بۇزعانى ٷشٸن جاۋاپكەرشٸلٸكتٸڭ بار ەكەندٸگٸن, سانيتارلىق نورمالار مەن ەلەۋمەتتٸك ارا قاشىقتى ساقتاۋ قاجەتتٸگٸن ەسكەرتەدٸ.
