Elordanyń keibir kóńil kóterý oryndary karantin rejimin jii buzyp otyr, dep habarlaidy "Ult aqparat".
«Quramynda Sanitariialyq-epidemiologiialyq baqylaý basqarmasy, elorda ákimdigi ókilderi, volonterler men politsiia qyzmetkerleri bar mobildi top kúsheitilgen tártipte karantin rejimin buzýshylardy anyqtap jatyr. Kóńil kóterý oryndary ieleri men kelýshiler tarapynan júieli buzýshylyqtar oryn alyp, sanitarlyq talaptar saqtalmaidy jáne qala turǵyndaryna qaýip tóndirýde. Koronavirýs infektsiiasynyń taralýyna tosqaýyl bolatyn birqatar aldyn alý is-sharasy kórsetilgen qoldanystaǵy qaýlyǵa qaramastan, «Panaehali» barynyń karantin rejimin taǵy da buzǵany anyqtaldy», - delingen Nur-Sultan qalalyq Politsiia departamenti taratqan aqparatta.
Vedomstvo málimetinshe, 14 jeltoqsan kúni túngi saǵat 01:40-ta atalǵan kóńil kóterý ornynda 30 qonaq bolǵan. Olar mýzyka yrǵaǵyna bi bilep, sanitarlyq normalardy jáne áleýmettik araqashyqtyqty saqtamaǵan. Sonymen qatar sol túni «Shishka» loýndj-barynda 30 adam kóńil kótergen. Atalǵan loýndj-bar osymen 7-inshi ret karantin rejimin buzyp otyr.
Jalpy, táýlik ishinde mobildi toptar shamamen 170 nysanǵa tekserý júrgizip, karantin rejimin buzýdyń 6 faktisin anyqtady. Jinalǵan materialdar QR Ákimshilik quqyq buzýshylyq týraly kodekstiń 425-babymen ákimshilik jaýapkershilikke tartý úshin Sanitariialyq-epidemiologiialyq baqylaý basqarmasyna jiberildi.
