Elordada karantin aiaqtalǵanǵa deiin otbasylyq eske alý, ádet-ǵuryp jáne ózge de is-sharalar ótkizýge, keitering jáne merekelerdi uiymdastyrý qyzmetin kórsetýge tyiym salynady. Nur-Sultan qalasy Bas memlekettik sanitarlyq dárigeri Janna Pirálieva qabyldaǵan sońǵy qaýlyda osylai jazylǵan, dep habarlaidy "Ult aqparat".
QR Densaýlyq saqtaý ministrliginiń Taýarlar men kórsetiletin qyzmetterdiń sapasy men qaýipsizdigin baqylaý komitetiniń Nur-Cultan qalasyndaǵy departamenti qalada koronavirýs infektsiiasy taralýynyń aldyn alý jónindegi qosymsha shara qabyldady.
«Qala turǵyndaryna karantin aiaqtalǵanǵa deiin 2 jáne odan da kóp adamnyń birlesip serýendeýi kezinde mindetti túrde maska kiiý jáne 2 metrden kem emes áleýmettik qashyqtyqty saqtai otyryp, úiinen erkin shyǵýǵa ruqsat etiledi. Aýla, saiabaq, alań, skver, jaǵalaýda serýendegende maskany mindetti túrde kiiý kerek, 3 adamnan artyq toptasy júrmeýi kerek. Bul bir otbasy múshelerine qatysy joq. Sondai-aq saiajai ýchaskesine (qala syrtyndaǵy úilerge) barý úshin qaladan kirýge/shyǵýǵa ruqsat etiledi», - delingen qaýlyda.
Sondai-aq, qoǵamdyq orynda, qoǵamdyq kólikte jáne ruqsat etilgen obektilerge barǵan kezde maska, qolǵapty kiip júrý jáne antiseptik paidalaný talaptaryn qatań saqtaý qajet.
Úige qonaq shaqyrý, bolmasa tabiǵat aiasynda merekelik shara ótkizýge bolmaidy.
«Otbasylyq eske alý, ádet-ǵuryp jáne ózge de is-sharalar ótkizýge, keiteringtik qyzmetter kórsetýge jáne merekelerdi uiymdastyrý jóninde qyzmetter kórsetýge tyiym salynady», delingen qujatta.
Kásipkerler men uiymdarǵa qyzmetkerleriniń, kelýshilerdiń karantin talaptary, shekteý sharalaryn saqtaýyn qatań baqylaýy mindettelgen.
