Elordada kámeletke tolmaǵan balalar qalaishilik qoǵamdyq kólikpen tegin júretin boldy. Bul týraly «CTS» JShS basshysy Bekmyrza Igenberdinov málim etti, dep habarlaidy "Ult aqparat".
«28 naýryzdan bastap kámeletke tolmaǵan barlyq balalar elordada qoǵamdyq kólikte tegin júredi. Biz osyndai sheshim qabyldadyq», - dedi kompaniianyń basqarma tóraǵasy Bekmyrza Igenberdinov.
Eske sala ketsek buǵan deiin elordadaǵy qoǵamdyq kólikke jaýapty «Astana LRT» JShS ataýy ózgergenin habarlaǵan edi.
«Áý basta elordadaǵy halyqtyń sany 1 millionǵa tek 2030 jyly jetedi dep boljanǵan edi. Alaida ózderińiz kórip otyrǵandai, qala tez ósip keledi. Kompaniianyń jumysyn jandandyryp, rebrending júrgizip jatyrmyz. Budan bylai kompaniiamyzdyń ataýy - City transportation systems, iaǵni qysqarta aitqanda CTS bolmaq», - dedi elordada ótip jatqan kórme-konferentsiia barysynda Bekmyrza Igenberdinov.
