Elordada qalalyq birneshe avtobýs baǵdary ýaqytsha toqtatyldy. Bul jaiynda Astana LRT kompaniiasynyń Facebook paraqshasynda jariialanǵan aqparatta aitylǵan, dep habarlaidy "Ult aqparat".
«Joldardy qar basýyna bailanysty №80, 103, 105 baǵdarlar avtobýstary bazadan shyǵa almady. Sol sebepti atalǵan marshrýttar qozǵalysy ýaqytsha toqtatyldy. Baǵdarlar qozǵalysynyń qalpyna keltirilýi týraly qosymsha habarlanatyn bolady», delingen taratylǵan aqparatta.
Sonymen qatar kompaniia aýa raiynyń nasharlaýyna bailanysty keibir qalalyq baǵdarlardy kútý ýaqyty artatyndyǵyn eskertedi.
«Joldyń nashar kórinýine jáne joldardy qar basýyna bailanysty qaladaǵy jalpy qozǵalys jyldamdyǵy tómendedi, iaǵni barlyq kólikter baiaý júredi. Avtobýstyń kólemi úlken bolǵandyqtan, qoǵamdyq kólik júrgizýshileri saq bolýy kerek. Bul eń aldymen jolaýshylardyń qaýipsizdigi úshin qajetti shara», - dedi kompaniiadan.
Elordanyń qoǵamdyq kóligine qatysty jańalyqtardy Astana LRT facebook jáne instagram paraqshalarynan jáne www.alrt.kz saitynan bilýge bolady.
