Elordada «Jastar Sinergiiasy» respýblikalyq forýmy ótip jatyr. Forým jumysyna QR Aqparat jáne qoǵamdyq damý ministri Dáýren Abaev qatysyp, sóz sóiledi, dep habarlaidy QazAqparat.
«Barlyq salada, ásirese tehnologiia salasynda belgili bir ózgeris bolmaǵan jaǵdaida básekege qabiletti bola almaimyz. Bul jastar, ásirese sizderge qatysty. Sol sebepti memleket osyndai forýmdar uiymdastyryp, baǵdarlamalar qabyldaidy. Bul - bazalyq irgetas, qalǵany óz qoldaryńyzda. Qazaqstandyq jastar - eń talantty, qabiletti, bolashaǵy zor», - dedi Dáýren Abaev forýmnyń ashylý saltanatynda.
4 ai ishinde www.jastarsinergiiasy.kz bilim berý platformasynda 2000-ǵa jýyq adam veb dizain, kiberqaýipsizdik, onlain qyzmet kórsetý, smartcity, investorlardy tartý jáne sait qurastyrýǵa qatysty taqyryptarda dárister aldy. Odan keiin dáris alýshylar óz jobalaryn respýblikanyń 17 aimaǵynda IT-jobalar alleiasynda usyndy. Elimizdiń ár túkpirinen barlyǵy 350-den astam IT-jobalar jinaldy.
Aita ketsek, forým aiasynda biyl mamyr aiynda bastaý alǵan jobanyń 60-tan astam finalisi óz jumystaryn kórsetýde. Joba maqsaty – jastardy Qazaqstannyń aqparattyq tehnologiialar mamandyǵy boiynsha oqytý arqyly elimizdegi IT baǵytyn damytý.
