Búgin QR Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiia alańynda IT-tehnologiialar jáne biznes salasyndaǵy kásipkerlermen kezdesý-tusaýkeser ótti.
Is-sharany uiymdastyrý boiynsha Ulttyq komissiianyń seriktesi «TECHNOWOMEN» qoǵamdyq birlestigi, QR Aqparat jáne qoǵamdyq damý ministrligi boldy.
Kezdesýdi Ulttyq komissiianyń tóraǵasy, Qazaqstan Respýblikasy Prezidenti Ákimshiligi Basshysynyń orynbasary Aida Balaeva ótkizdi.
Is-sharaǵa kásipker áielder, IT-jobalardyń basshylary, qoǵamdyq uiymdardyń kóshbasshylary, memlekettik organdar men ulttyq kompaniialardyń ókilderi qatysty.
Kezdesý barysynda áielderdiń tsifrlyq ekonomikadaǵy múmkindikterin damytý jáne áielder men balalar úshin áleýmettik mańyzy bar IT-jobalardy praktikaǵa engizý máseleleri pysyqtaldy.
Tusaýkeserge qatysýshylar aldynda sóilegen sózinde A. Balaeva Ulttyq komissiia tsifrlyq salasynda yntymaqtastyq týǵyzý jáne talanttardy qoldaýǵa múmkindikterdi ilgeriletýdegi óz mindetin kórip otyrǵanyn atap ótti. «Bul jumystyń basty basymdyqtary - seriktestik úshin jaǵdailardy keńeitý, qundy talanttardy anyqtaý jáne áielder bastamalarynyń ekonomikalyq jáne áleýmettik áleýetin iske asyrýǵa járdemdesý. Bul kezdesý - osy máselelerdi sheshýdegi kezekti qadam» - dedi ulttyq komissiia tóraǵasy.
Kezdesý eki jumys sessiiasynyń aiasynda ótti.
Birinshi sessiia barysynda zańnamalyq praktikany jetildirý jáne sektoraralyq yntymaqtastyqty institýtsionaldyq nyǵaitý jónindegi birqatar bastamalar kóterildi.
Sessiianyń arnaiy qonaǵy Qazaqstandaǵy Google Women Techmakers baǵdarlamasynyń ambassadory Jarqyn Sheglova boldy.
Osy alańda spikerler retinde «Tsifrlyq transformatsiia» QQ basshysy, TechnoWomen Prezidenti Aziza Shýjeeva, «Tsifrlyq ekonomikany damytý ortalyǵy» JShS Bas direktory Bikesh Qurmanǵalieva, Birinshi kredittik biýronyń atqarýshy direktory Ásem Nurǵalieva, «Dogovor24» kampaniiasynyń bas direktory Elena Sedyh, «Qazposhta» AQ transformatsiialaý jáne jobalyq basqarý departamentiniń direktory Elena Chekaeva sóz sóiledi.
Ekinshi sessiia aiasynda qoǵamdyq mańyzy bar túrli máselelerdi sheshýge jáne áleýmettik kásipkerlikti damytýǵa baǵyttalǵan birqatar jobalar tanystyryldy.
Sonyń ishinde, onlain-bilim berýdi keńeitý, pedagogtardyń biliktiligin arttyrý jáne mektepterdi tsifrlandyrý, jastardy jynystyq tárbieleý, turmystyq zorlyq-zombylyqtyń aldyn alý, sondai-aq onkologiialyq aýrýlardy anyqtaý jáne júktilik pen bosaný kezinde áielderdi onlain-qoldaý boiynsha ideialar usynyldy.
Kezdesýdiń negizgi qorytyndysy áleýmettik áriptestik múmkindikterin nyǵaitý jáne memlekettik qurylymdar, ulttyq kompaniialar men IT-kásipkerlik salasynyń ókilderi arasynda turaqty bailanys júiesin qalyptastyrý boldy.
