Elordanyń «Esil» aýdandyq politsiia bólimine eki uialy telefonnyń urlaný faktisi boiynsha ótinish tústi, dep habarlaidy QazAqparat Nur-Sultan qalasy Politsiia departamentiniń baspasóz qyzmetine silteme jasap.
Ótinish berýshiniń sózi boiynsha, telefondardy belgisiz er adam urlaǵany túsirilgen video bar. Beinejazbany zertteý barysynda elordanyń buryn birneshe ret sottalǵan 25 jastaǵy turǵyny ustaldy.
Ustalǵan er adamnyń kúndiz Qabanbai batyr dańǵylyndaǵy SPA-salonǵa kirgeni anyqtaldy. Salon ákimshisiniń jumys ornynda bolmaǵanyn paidalanǵan ol jalpy quny 200 myń teńgeni quraityn túrli modeldegi eki «Iphone» uialy telefonyn urlap, ǵimarattan izin sýytty.
Urlyq faktisi boiynsha sot aldyndaǵy tergep-tekserý amaldary júrgizilýde. Kúdikti ýaqytsha ustaý abaqtysyna qamaldy. Qazirgi kezde onyń elorda aýmaǵynda jasalǵan osyǵan uqsas qylmystarǵa qatysy anyqtalý ústinde.
Nur-Sultan qalasynyń Politsiia departamenti azamattardy qyraǵy bolýyn eskertip, jumys oryndaryn qaraýsyz qaldyrmaýyn suraidy.
