ەلوردانىڭ «ەسٸل» اۋداندىق پوليتسييا بٶلٸمٸنە ەكٸ ۇيالى تەلەفوننىڭ ۇرلانۋ فاكتٸسٸ بويىنشا ٶتٸنٸش تٷستٸ, دەپ حابارلايدى قازاقپارات نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ٶتٸنٸش بەرۋشٸنٸڭ سٶزٸ بويىنشا, تەلەفونداردى بەلگٸسٸز ەر ادام ۇرلاعانى تٷسٸرٸلگەن ۆيدەو بار. بەينەجازبانى زەرتتەۋ بارىسىندا ەلوردانىڭ بۇرىن بٸرنەشە رەت سوتتالعان 25 جاستاعى تۇرعىنى ۇستالدى.
ۇستالعان ەر ادامنىڭ كٷندٸز قابانباي باتىر داڭعىلىنداعى سپا-سالونعا كٸرگەنٸ انىقتالدى. سالون ەكٸمشٸسٸنٸڭ جۇمىس ورنىندا بولماعانىن پايدالانعان ول جالپى قۇنى 200 مىڭ تەڭگەنٸ قۇرايتىن تٷرلٸ مودەلدەگٸ ەكٸ «Iphone» ۇيالى تەلەفونىن ۇرلاپ, عيماراتتان ٸزٸن سۋىتتى.
ۇرلىق فاكتٸسٸ بويىنشا سوت الدىنداعى تەرگەپ-تەكسەرۋ امالدارى جٷرگٸزٸلۋدە. كٷدٸكتٸ ۋاقىتشا ۇستاۋ اباقتىسىنا قامالدى. قازٸرگٸ كەزدە ونىڭ ەلوردا اۋماعىندا جاسالعان وسىعان ۇقساس قىلمىستارعا قاتىسى انىقتالۋ ٷستٸندە.
نۇر-سۇلتان قالاسىنىڭ پوليتسييا دەپارتامەنتٸ ازاماتتاردى قىراعى بولۋىن ەسكەرتٸپ, جۇمىس ورىندارىن قاراۋسىز قالدىرماۋىن سۇرايدى.
