Elordanyń keibir gaz quiý stansalarynda kógildir otyn tapshylyǵyna bailanysty shekteý engizildi, dep habarlaidy "Ult aqparat".
«Qyrkúiekte Nur-Sultan qalasyna «SNPS-AqtóbeMunaiGaz» AQ zaýytynan 1 947 tonna suiytylǵan gaz jetkizilgen joq. Osyǵan orai, qalada suiytylǵan gaz tapshylyǵy baiqalady. Áleýmettik qajettilik úshin onyń tapshylyǵyna jol bermeý maqsatynda (kóppáterli úilerdi kógildir otynmen qamtý jáne jeke turǵyn úilerdi jylytýda kedergiler bolmaýy úshin) avtomobilge gaz quiatyn stansalarda shekteý engizildi», - dedi Nur-Sultan qalasy ákimdiginen.
Qala ákimshiligi avtomobilder suiytylǵan gazdyń ornynan benzin qoldana alatyndyǵyn atap ótedi.
«Bul máselege orai gazdy retteý salasyndaǵy ókiletti organ QR Energetika ministrligine kómek qajettigi týraly resmi hat jóneltildi. Búgingi kúni negizgi satý núktelerinde (Beibarys gaz, Gaz Enerdji, GorGaz) shekteýler tolyq alyndy. Sonymen qatar JigerGaz saýda belgisi boiynsha da shekteýler jartylai alynyp otyr. Shekteýdi tolyq alyp tastaý osy jyldyń 15 qazanyna josparlanǵan», -dedi ákimdikten.
