Nur-Sultan qalasynyń Qalalyq orta sapasy jáne baqylaý basqarmasy elordanyń turǵyn úi sharýashylyqtarynda gaz qondyrǵylarynyń jumysyna tekseris júrgizip jatyr, dep habarlaidy qala ákimdiginiń resmi saity.
Ótken jyly basqarma qyzmetkerleri 1 400 rezervýarlyq qondyrǵylardy tekseristen ótkizdi. Onyń nátijesi boiynsha «AstanaGazQyzmet» JShS-niń menshik iesine eskertýlerdi joiý maqsatynda 340 anyqtama berildi. Qazirgi ýaqytta seriktestik iesi atalmysh máselelerdiń barlyǵyn retke keltirgen. Búgingi kúni qalada 340 jinaqtama rezervýarlyq qondyrǵylar, 1400 jer astyndaǵy rezervýarlar bar.
Qazaqstan Respýblikasynyń № 532-IV «Gaz jáne gazben jabdyqtaý týraly» Zańyna sáikes eki qabattan asatyn kóp páterli turǵyn úilerde turmystyq ballondarda suiytylǵan munai gazyn saqtaýǵa jáne (nemese) paidalanýǵa tyiym salynady.
Búgingi kúni páter ielerimen, basqarýshy uiymdarmen (PIK, TQK), zańdy tulǵalarmen turmystyq ballondarda suiytylǵan gazdy paidalaný máselesin túsindirý boiynsha 556 oqytý jumysy júrgizildi. Onyń barysynda eki qabattan joǵary qabatty ǵimarattarda ballondardy paidalanýdyń 34 jaǵdaiy anyqtaldy. Sonymen qatar, 807 TQSh-nyń ishki gaz qubyrlarynyń tekserilýi júrgizilip, onyń nátijesinde krandardy aýystyrý boiynsha 807 anyqtama berildi.
Qazirgi tańda 914 kran aýystyryldy. Osy máseleni keshendi túrde sheshý úshin Qalalyq orta sapasy jáne baqylaý basqarmasy «AstanaGazQyzmet» JShS jáne «Báiterek» PIK qaýymdastyǵynyń arasyndaǵy kelisimge qol qoidy.
Kelisimniń sheńberinde, «AstanaGazQyzmet» JShS 104 gaz qyzmetiniń nómiri boiynsha Nur-Sultan qalasynyń turǵyndarynan ótinimderge aqysyz táýlik boiy jaýap qaitarady. Al buryn, apattyq qyzmetin shaqyrý úshin astanalyqtar 5000 teńge somasyndaǵy aqy tóleitin. Sondai-aq kompaniia qaladaǵy gazǵa qosylǵan barlyq kóppáterli turǵyn úilerindegi kireberis ishki júielerinde qyzmet kórsetedi. Basqarmanyń berilgen anyqtamalaryna sáikes aýystyrýdy talap etetin ishki kireberis gaz qubyrlaryndaǵy barlyq qrandardy almastyrady. Júrgizilgen jumystar nátijesinde, jazbasha ótinishter sany 95%-ǵa tómendedi.
