Elordada 37 keli gashish tárkilendi, dep habarlaidy Polisia.kz saity.
Nur-Sultan qalasynyń Esirtki qylmysyna qarsy is-qimyl basqarmasy gashish satýmen ainalysyp kelgen qylmystyq topty áshkerledi. Esirtki eldiń ońtústik óńirinen ákelingen.
Arnaiy operatsiia júrgizý barysynda gashishty ótkizý ústinde qylmystyq topty uiymdastyrýshylardyń biri ustaldy. Onyń kóligin tintý kezinde 8 keli 700 gramm gashish alyndy.
Keiinnen esirtkiniń iri partiialaryn jetkizýmen ainalysatyn toptyń taǵy eki múshesi anyqtaldy. Olardyń bireýiniń páterindegi balkonnan bir keli gashish, elektrondy tarazy jáne esirtkini bólip salýǵa arnalǵan basqa da jaraqtar tabyldy.
Tintý kezinde úshinshi figýrant – qylmystyq top basshysynyń kóliginen 26 keliden astam esirtki anyqtaldy.
«Odan ári, jedel áreketter kezinde politseiler jerlestik qaǵidaty boiynsha ózara bailanysty esirtki saýdasymen ainalysatyn 5 qylmyskerdi anyqtady.
Onyń ishinde úsheýi – esirtki jetkizýshiler. Olar ońtústik óńirden gashishti jetkizip, senimdi adamdar arqyly elordada ótkizip otyrǵan.
Tikelei satýmen ainalysatyn toptyń 2 múshesinen shamamen 200 gramm gashish tabyldy.
Sonymen qatar, ustalǵandardyń eki kóligi men uialy telefondary tárkilendi.
Tárkilengen esirtkiniń jalpy salmaǵy 37 kelini qurady», - delingen politsiia málimetinde.
IIM Esirtki qylmysyna qarsy is-qimyl departamentiniń bastyǵy Erlan Omarbekov túsindirgendei, bul operatsiia qala prokýratýrasynyń úilestirýimen IIM arnaiy bólimshesiniń kúshterin jumyldyrý arqyly júrgizildi.
«Qylmystyq toptyń barlyq qatysýshylary qamaýǵa alyndy. Olarǵa qatysty asa iri kólemde esirtkini ótkizý, saqtaý jáne tasymaldaý faktisi boiynsha qylmystyq is qozǵaldy. Gashishtiń mundai kóleminiń zańsyz ainalymy asa aýyr qylmystarǵa jatady jáne múlkin tárkilei otyryp, 15 jyldan ómir boiyna deiin bas bostandyǵynan aiyrýǵa jazalanady», - dep naqtylady politseiler.
