Elordada «Jer ana» men Atatúriktiń sekertkishteri jýylyp, tazartyldy, dep habarlaidy QazAqparat «Baiqońyr» aýdany ákimdigine silteme jasap.
«Baiqońyr» aýdanynda ornatylǵan eskertkishter men sáýlet músinderin jýyp, tazartý jumystary júrgizilgen. Budan bólek, «Jer ana» eskertkishi tuǵyrynyń granit plitalary men Úsh arys eskertkishi tusyndaǵy jabyn plitalar aýystyrylǵan.
Eske sala ketsek, Jumabek Táshenev pen Alash Orda qozǵalysynyń kóshbasshylaryna arnalǵan eskertkish biyl ǵana aýdan aýmaǵyna ornatylǵan edi.
«Jalpy, «Baiqońyr» aýdanynda 5 eskertkish pen 17 sáýlet músini boi kótergen. Máselen, mádeni eskertkishterdiń qatarynda A.Baraev pen J.Táshenov kósheleri qiylysynda ornalasqan «Jer ana» eskertkishi, Atatúrik saiabaǵyndaǵy Kemal Atatúrikke arnalǵan eskertkish, Jambyl Jabaev saiabaǵyndaǵy abyz aqyn Jambylǵa arnalǵan eskertkish, Jazýshylar alleiasyndaǵy Úsh arysqa arnalǵan monýment jáne UOS maidanyna attanǵan jaýyngerlerdiń eskertkishi bar», delingen habarlamada.
Amangeldi Imanov, Shoqan Ýálihanov pen Jumabek Táshenevke arnalǵan sáýlet músinderi qairatkerler atyndaǵy kóshelerge kórik berip tur. Sondai-aq, J.Táshenov kóshesindegi «Astana» jáne Jazýshylar alleiasyndaǵy «Abaidyń qara sózderi» installiatsiiasy da aýdannyń ajaryn asha túsken.
