Ótken jyldyń qorytyndysyna sáikes áleýmettik qorǵaý sharalary aiasynda múmkindigi shekteýli 726 adam jumysqa ornalasty. Sondai-aq, qysqa merzimdi kásiptik oqýdy aiaqtaǵan 59 adamǵa biznes-ideialaryn iske asyrý úshin memlekettik granttar berildi, dep habarlaidy qala ákimdiginiń resmi saity.
Qazirgi ýaqytta múmkindigi shekteýli adamdarǵa jaǵdai jasaý, olardy jumysqa ornalastyrý jáne áleýmettendirý – elordada áleýmettik saiasatty júzege asyrýdyń basty baǵyttarynyń biri. Búginde elordada 1 myńǵa jýyq erekshe qajettilikterge ie astanalyqtar eńbek etýde. Sonyń biri – 22 jasar «IKOMEK» jedel áreket etý ortalyǵynyń qyzmetkeri Erkebulan Bermuhanbetov. «Men «IKOMEK» ortalyǵynda ótken jyldyń qyrkúiek aiynan bastap jumys isteýdemin. Iaǵni oqýymdy bitire sala jumysqa turdym. 2019 jyly elordadaǵy Eýraziia gýmanitarlyq institýtynyń qazaq tili men ádebieti mamandyǵyn prezident grantynda oqyp, qyzyl diplommen bitirdim. Men ózim Qaraǵandy oblysynyń týmasymyn, Nur-Sultan qalasyna kóship kelgenimizge 12 jyldan asyp barady, ata-anammen birge turamyn», - dedi ol.
Onyń aitýynsha, jumysynda erekshe kútimdi talap etetin jandarǵa qajetti jaǵdai men múmkindik jasalǵan. «Men ortalyqta beinebaqylaý esebin júrgizý jónindegi operatormyn. Meniń mindetime qalanyń tynyshtyǵy men qaýipsizdigin beinebaqylaý arqyly qadaǵalaý jatady. Iaǵni beinebaqylaý arqyly qala kóshelerine baqylaý júrgizemiz. Egerde qandai da bir tártipbuzýshylyq oryn alsa, ony anyqtap dereý tiisti shara qabyldaimyz. Bul jumysqa qalai keldim degen suraqqa kelsek, oqý bitirgende maǵan «IKOMEK» ortalyǵyna jumys isteýdi bizdiń dekanat usyndy. Men bul usynysty qýana qabyldadym. Ózderińiz kórip otyrǵanyńyzdai, mamandyǵym muǵalim bolǵanymen, ol mamandyqta jumys istei almaimyn. Qazirgi jumysym ózime unaidy, onyń ústine ujym óte tatý, basshylyq jaily. Jumysta bárimizge teń múmkindik jasalǵan. Jumys kestesi de yńǵaily. 2 kún jumys istep, 2 kún demalamyn. Jumys tańerteńgi saǵat 9-dan keshki 17:00-ge deiin. Túski ýaqytta 1 saǵat úzilis bar. Bizde jumysta qoiylatyn basty talap, saqtyq pen ańǵarympaz bolý. Men ózime júktelgen mindetti múltiksiz atqarýǵa tyrysamyn. Ázirge jumys boiynsha eskertý alǵan emespin», - dep atap ótti ol. Odan bólek, jas maman bolashaqta kásip iesi bolýdy armandaitynyn aityp ketti. «Ákem kásipker, anam bilim salasynda eńbek etedi. Men úide jalǵyz balamyn. Bolashaqtaǵy armanym, ákem sekildi óz isimdi ashyp, biznesmen bolý. Bolashaqta ózimniń qurylys kompaniiamnyń bolǵanyn armandaimyn. Nur-Sultan - armandar qalasy, armanymnyń oryndalatynyna zor senimmen qaraimyn», - deidi jas maman.
