Áleýmettik jelide qolyna kisen salynyp jatqanda, beitanys qyzben tanyspaq bolǵan jigittiń videosy paida boldy, - dep habarlaidy Tengrinews.kz.
Kadrlarda tórt politsei jigit qolyna kisen salyp, alyp ketkenin kórýge bolady. Ustalǵan kezde jigit qyzdy baiqap, oqiǵany kameraǵa túsirýdi suraǵan, sonymen qatar ony unatyp qalǵanyn moiyndaidy.
"Videoǵa túsirińizshi, ótinemin. Óte ádemisiz. Sizden Instagram-paraqshańyzdy alamyn. Maǵan unadyńyz, atyńyz kim?" - dep jigit jymiiady, bul oqiǵa kýágerleriniń kúlkisin keltirdi.
Áleýmettik jelide tarap ketken video avtory tártip saqshylary jigitti tóbeleskeni úshin ustaǵanyn aitty.
"Ol qashyp ketkisi keldi, oǵan kúsh qoldanyp jatqanyn túsirýdi ótindi. Men túsire bastadym, tipti quqyq qorǵaý organ ókilderi tursa da, qyryndai bastady. Zańǵa baǵynabaityn romantik", - dep jazdy ol.
Nur-Sultan qalalyq PD baspasóz qyzmeti málimetinshe, oqiǵa 1 tamyzda elordada bolǵan. Saǵat 5.37-de Qosshyǵululy kóshesiniń boiyndaǵy úidiń aýlasynda tóbeles bolyp jatqany týraly habarlama túsken.
"Oqiǵa ornyna avtopatrýl jiberildi. Oqiǵaǵa qatysqannyń barlyǵy anyqtaldy. Ustaý kezinde quqyqbuzýshylardyń biri politsiia bólimshesine barýdan bas tartty, politsiia qyzmetkerleri qaýipsizdik maqsatynda arnaiy quraldy paidalandy. Onyń ústinen ákimshilik is qozǵaldy", - dedi politseiler.
