Nur-Sultanda er adamnyń dárihanany tonaǵan sáti videoǵa túsip qaldy, - dep habarlaidy "Ult aqparat".
"Saǵat 22.30-da 102 arnasyna qaraqshylyq shabýyl deregi boiynsha habarlama tústi. Qońyraý shalýshy belgisiz bireý pyshaqpen qorqytyp, Momyshuly dańǵylyndaǵy dárihana kassasynan 30 myń teńge urlap ketkenin aitty. Kúdiktini ustaýǵa politsiianyń jeke quramy baǵyttaldy", - dedi Nur-Sultan politsiiasynyń baspasóz qyzmetindegiler.
Tergeý barysynda keshki saǵat 10:00 shamasynda dárihanaǵa meditsinalyq maska taqqan belgisiz er adam kelip, dári-dármek bar-joǵyn suraǵany anyqtaldy.
"23 jastaǵy farmatsevt dárini alýǵa barǵan kezde, er adam artynan kelip, moinyna pyshaq taqap qorqytyp, kassadan aqsha alyp ketken. Aqshany alǵan kúdikti qaida qashqany belgisiz.
Jedel ýákilder kýágerlerdi anyqtap, kameradan dárihanadan júgirip shyqqan er adamǵa nazar aýdardy. Beinebaqylaý kameralaryndaǵy kúdiktiniń belgileri boiynsha qylmysker jasyrynyp qalýy múmkin aýdan men kósheler tekserildi. Politseiler kúdikti jarysynýy múmkin degen barlyq jataqhanany, TJO jáne basqa da oryndardy tekserdi. Kompiýterlik klýbtardyń birin tekserý kezinde kúdiktige uqsas 26 jastaǵy jigit ustaldy", - dedi elordalyq politsiia ókili.
