نۇر-سۇلتاندا ەر ادامنىڭ دەرٸحانانى توناعان سەتٸ ۆيدەوعا تٷسٸپ قالدى, - دەپ حابارلايدى "ۇلت اقپارات".
"ساعات 22.30-دا 102 ارناسىنا قاراقشىلىق شابۋىل دەرەگٸ بويىنشا حابارلاما تٷستٸ. قوڭىراۋ شالۋشى بەلگٸسٸز بٸرەۋ پىشاقپەن قورقىتىپ, مومىشۇلى داڭعىلىنداعى دەرٸحانا كاسساسىنان 30 مىڭ تەڭگە ۇرلاپ كەتكەنٸن ايتتى. كٷدٸكتٸنٸ ۇستاۋعا پوليتسييانىڭ جەكە قۇرامى باعىتتالدى", - دەدٸ نۇر-سۇلتان پوليتسيياسىنىڭ باسپاسٶز قىزمەتٸندەگٸلەر.
تەرگەۋ بارىسىندا كەشكٸ ساعات 10:00 شاماسىندا دەرٸحاناعا مەديتسينالىق ماسكا تاققان بەلگٸسٸز ەر ادام كەلٸپ, دەرٸ-دەرمەك بار-جوعىن سۇراعانى انىقتالدى.
"23 جاستاعى فارماتسەۆت دەرٸنٸ الۋعا بارعان كەزدە, ەر ادام ارتىنان كەلٸپ, موينىنا پىشاق تاقاپ قورقىتىپ, كاسسادان اقشا الىپ كەتكەن. اقشانى العان كٷدٸكتٸ قايدا قاشقانى بەلگٸسٸز.
جەدەل ۋەكٸلدەر كۋەگەرلەردٸ انىقتاپ, كامەرادان دەرٸحانادان جٷگٸرٸپ شىققان ەر ادامعا نازار اۋداردى. بەينەباقىلاۋ كامەرالارىنداعى كٷدٸكتٸنٸڭ بەلگٸلەرٸ بويىنشا قىلمىسكەر جاسىرىنىپ قالۋى مٷمكٸن اۋدان مەن كٶشەلەر تەكسەرٸلدٸ. پوليتسەيلەر كٷدٸكتٸ جارىسىنۋى مٷمكٸن دەگەن بارلىق جاتاقحانانى, تجو جەنە باسقا دا ورىنداردى تەكسەردٸ. كومپيۋتەرلٸك كلۋبتاردىڭ بٸرٸن تەكسەرۋ كەزٸندە كٷدٸكتٸگە ۇقساس 26 جاستاعى جٸگٸت ۇستالدى", - دەدٸ ەلوردالىق پوليتسييا ٶكٸلٸ.
