Elordada eki jasar sábi káriz qudyǵyna túsip ketti, dep habarlaidy QazAqparat.
Telegram-daǵy Astanovka98 paraqshasy taratqan málimetke sáikes, oqys oqiǵa Ministrlikter úii aialdamasy janynda oryn alǵan. Besik arba súiretken anasymen qatar kele jatqan sábi káriz qudyǵynyń qaqpaǵynyń ústimen ótip bara jatqanda ol ashylyp ketip, ishine túsken. Oqys oqiǵaǵa kýá bolǵan azamattyń biri qudyqtyń ishine túsip, sábidi alyp shyqqan.
Nur-Sultan qalalyq qoǵamdyq densaýlyqty saqtaý basqarmasy sábige qajetti kómek kórsetilip, ambýlatorlyq em alýǵa jiberilgendigin habarlady.
«Búgin travmatologiialyq pýnktke 2020 jyly dúniege kelgen sábi túsip, ony neirohirýrg pen travmatolog qarady. Bala qaraǵan kezde es-túsin biledi, mazasyz emes. Oǵan qajetti barlyq kómek kórsetildi. Synǵan jeri joq, miy shaiqalmaǵan. Keńes berildi. Qazirgi ýaqytta bala ambýlatorlyq em alýǵa jiberildi», - dedi departamentten.
