Olar keibir birinshi qajettiliktegi azyq-túlikter baǵasyn 60 teńgeden asa qymbattatqan, dep habarlaidy elorda ákimdiginiń resmi saity.
Prokýratýra, ákimdik jáne memlekettik kirister organdary qyzmetkerlerinen qurylǵan shuǵyl toptar barlyq saýda nysandaryn kúndelikti aralaýda. Maqsat – dúkender men sýpermarketterdiń áleýmettik mańyzy bar azyq-túlik taýarlarynyń shekti baǵasyn saqataýyn qadaǵalaý. Osylaisha, kezekti tekseý kezinde eki sýpermarkette 03.04.2020 jylǵy №23 «Áleýmettik mańyzy bar azyq-túlik taýarlaryna shekti bólshek saýda baǵasyn engizý týraly» birlesken buiryǵynyń erejeleri buzylyp, baǵanyń qymbattaýy anyqtaldy.
Atap aitqanda, shekti baǵasy 197 teńgeden aspaýy tiis 1-shi sortty unnyń kilogramy 230 teńgeden satylǵan. Al shekti baǵasy 307 teńgelik kúrish – 1 kg úshin 371 teńgeden, shekti baǵasy 481 teńgelik kúnbaǵys maiy – 505 teńgeden satylǵan.
Almaty aýdany ákimdigimen usynylǵan derekter negizinde 14 sáýir kúni saýda sýbektilerine qatysty QR ÁQBK 202 babynyń 1 bólimine sáikes, «Áleýmettik mańyzy bar azyq-túlik taýarlaryna bólshek saýda baǵalarynyń shekti ruqsat etilgen mólsheriniń artýy» boiynsha ákimshilik quqyq buzýshylyq týraly hattama jasaldy. 100 AEK nemese 277 800 teńge kóleminde ákimshilik aiyppul salyndy.
