Búgin Astanada «Digital Bridge» halyqaralyq innovatsiialyq forýmy óz jumysyn bastady, dep habarlaidy QazAqparat tilshisi.
Digital Bridge - Qazaqstandaǵy biylǵy jyly ótip otyrǵan basty innovatsiialyq oqiǵa. Qatysýshylar forýmnyń dialogtik alańynda tsifrlandyrý salasyndaǵy sońǵy álemdik trendterdi talqylap, aldyńǵy qatarly tájiribelermen jáne biznes-modeldermen bólisedi.
Forýmǵa halyqaralyq IT-qoǵamdastyǵynyń negizgi ókilderi, tehnologiia salasyndaǵy tanylǵan sarapshylar, kásiporyn basshylary, tehnologiialyq kásipkerler, sondai-aq birqatar eldiń memlekettik sektorlarynyń ókilderi, ǵalymdar, tsifrlyq ázirlemeler salasynyń mamandary, venchýrlyq investorlar qatysýda.
Digital Bridge alańynda 50-den asa qazaqstandyq jáne halyqaralyq spiker sóz sóiledi dep kútilýde. Olardyń arasynda Startup Genome bas direktory Jan Fransýa Gote, Hyperloop Transportation bas direktory Dirk Alborn, Startap akademiiasynyń mentory jáne keńesshi, startap taqyryby boiynsha satylymǵa eń kóp shyqqan kitaptyń avtory Bob Dorf, Galaktika jekemenshik ǵarysh kompaniiasynyń negizin qalaýshy jáne iesi Aliia Prokofeva, Priceline Group qosa negizin qalaýshy Djeff Hoffman, venchýrlyq kapitaldyń halyqaralyq firmasy Global Catalyst Partners tóraǵasy jáne teń merdigeri Kamran Elahian bar.
Forým aiasynda «Tsifrlyq ekonomika damýynyń jahandyq trendi jóninde dialogy» atty plenarlyq sessiiasy ótedi. Sonymen qatar sessiia jumysyna QR Premer-Ministri Baqytjan Saǵyntaev, Resei Federatsiiasynyń tsifrlyq damý, bailanys jáne buqaralyq kommýnikatsiialar ministri Konstantin Noskov qatysady dep kútilýde.
Belgili bolǵandai, spikerler halyqaralyq sarapshylarmen birlese otyryp, álemdik naryqtaǵy tsifrlyq kásipkerliktiń jahandyq úrdisterindegi Qazaqstannyń áleýetin talqylaidy. Forým aiasynda Qazaqstandaǵy tsifrlandyrý salasynyń eń alǵashqy Digital Bridge Awards júldesi tabystalmaq.
Budan basqa, Digital Bridge forýmynyń aiasynda Astana Hub ITstartaptar halyqaralyq tehnoparkiniń bastamasymen eki ekskliýzivti is-shara uiymdastyrylmaq. Osy oraida Astana Hub Battle startaptar jarysy jáne Astana Hub Awards Qazaqstannyń startap-indýstriiasy salasyndaǵy syilyǵy qamtylady.
Is-shara baǵdarlamasynda 9 paneldik pikirtalas sessiiasy qamtylyp, shaqyrylǵan spikerler ekojúielerdiń turaqty startaptaryn qurý; memleketti tsifrlandyrýda Blockchain tehnologiiasyn qoldaný; elektrondyq úkimettiń damýyna jańa aqparattyq tehnologiialardyń áseri; ǵaryshtyq innovatsiialar, Qazaqstan tehnologiialyq kásipkerleriniń jańa keleshegin qalyptastyrý joly men innovatsiialyq damýdyń basqa da taqyryptaryn talqylaidy.
Forým tsifrlyq transformatsiia, elektrondyq úkimet, tehnologiialyq kásipkerlik jáne 4-shi ónerkásiptik revoliýtsiia ideialaryn ilgeriletýge arnalǵan Eýropa men Aziia elderiniń arasyndaǵy dialogtik alańdy quraityn jyl saiynǵy is-shara bolady dep kózdelýde.
Aita keteii, halyqaralyq shara Aqparat jáne kommýnikatsiialar ministrliginiń uiymdastyrýymen, «Zerde» Ulttyq infokomýnikatsiia holdingi» AQ jáne Astana Hub halyqaralyq tehnoparkiniń qoldaýymen ótip jatyr.
