Elordada jas otbasylarǵa arnalǵan «Densaýlyq – zor bailyq» marafony bastaldy, dep habarlaidy qala ákimdiginiń resmi saity.
«Sportqa beiimdi otbasy» ataǵy úshin qatysýshylar 21 kún boiy eń az degende bir shaqyrym júgiredi. Bul jaǵdaida qatysýshylar kún saiyn júgirý baǵyty men kúnin kórsetetin qosymshadan skrinshottardy jiberýi kerek, sonymen qatar úsh fotosýret pen beine treningterdi qosa berýi qajet.
«Marafon «Otbasy – baqyt mekeni» jobasy aiasynda otbasy arasyndaǵy tolyq senim, qoldaý, mahabbat atmosferasynda sporttyq rýhty tárbieleý jáne nyǵaitý maqsatynda ótkiziledi. Otbasylyq júgirý densaýlyqqa jaýapkershilikpen qaraýdy qalyptastyrýǵa, sportty nasihattaýǵa, jas otbasylar arasynda salaýatty ómir saltyn ustanýǵa yqpal etýi tiis», – dep atap ótti qalalyq jastar saiasaty máseleleri basqarmasynan.
Jarys sońynda 20 jeńimpaz anyqtalady.
Olar 50 myń teńge somasyna sporttyq taýarlarǵa nemese turmystyq tehnika men elektronikaǵa arnalǵan diplomdarmen jáne sertifikattarmen marapattalady.
«Baiqaýǵa marafon bastalǵanǵa deiin resmi túrde nekelerin tirkegen Nur-Sultan qalasynda turatyn jas otbasylar qatysa alady. Erli-zaiyptylardyń jasy 29 jastan aspaýy kerek.
Qabyldaý 27 qyrkúiek kúni saǵat 18-ge deiin sozylady. Baiqaýǵa qatysý úshin jas otbasylar Strava, TrainingPeaks, Wahoo ELEMNT Companion, map my ride by Under Armour, Relive, RUNMETER Running&Cycling GPS qosymshalarynyń birinde, IOS nemese Android platformasynda tirkelýi kerek.
Tirkeý kezinde nekeni tirkeý týraly kýáliktiń jáne bar bolǵan jaǵdaida balalardyń týý týraly kýáliginiń kóshirmelerin qosa berý qajet. Telefon nómirleri, turatyn aýdany, áleýmettik jelilerdegi akkaýnttar, otbasy músheleriniń sany siiaqty bailanys aqparatyn elorda.otbasy@gmail.com elektrondyq poshtaǵa jiberý qajet nemese +7 777 273 43 83 telefon nómirine», - deidi uiymdastyrýshylar.
Sondai-aq, marafonshylarǵa instagramda @ns_jastary, @elorda.otbasy akkaýnttaryna jazylý qajet.
Esterińizge sala keteiik, qyrkúiek aiynyń basynda Nur-Sultanda «Otbasy – baqyt mekeni» otbasy institýtyn nyǵaitý jobasy bastaldy. Onyń aiasynda úsh jyl boiy jastardy otbasyn durys qurýǵa úiretetin bolady. Joba aýqymdy baǵdarlamany kózdeidi jáne seminarlar, onlain-treningter, baiqaýlar, fakýltativtik sabaqtar jáne t.b. qamtidy.
