5, 6 jeltoqsan kúndergi demalystarda Nur-Sultan qalasynda teatr premeralary, qýyrshaqtar baleti jáne kórmeler ótedi. Qala ákimdiginen málim etkendei, barlyq is-sharada sanitarlyq talap qatań saqtalatyn bolady, dep habarlaidy "Ult aqparat".
Atap aitqanda, 5 jeltoqsan kúni saǵat 17:00-de Astana Opera-nyń kameralyq zalynda «Shelkovaia lestnitsa» bir aktili fars-operasy usynylady.
31 jeltoqsanǵa deiingi ár senbide (saǵat 10:00-17:00 aralyǵynda) Táýelsizdik saraiynda uly Abaidyń 175 jyldyǵyna orai jáne «Aqanaevtar áýletine» arnalǵan kórmeler, «Óner qarlyǵashtary» jáne «Álem bala kózimen»atty balalar ekspozitsiialary jumys isteidi. Sondai-aq, osynda Qazaqstan Sýretshiler odaǵynyń múshesi, «Shabyt» halyqaralyq shyǵarmashyl jastar festivaliniń diplomanty, sýretshi Anar Áýbákirdiń «Tylsym» atty kórmesi usynylǵan. Budan basqa, Táýelsizdik saraiynyń qoryndaǵy «Nur-Sultan qalasyna syilyqtar» kórmesin tamashalaýǵa bolady. Onda elordaǵa saparmen kelgen resmi delegatsiialardyń kádesyilary qoiylǵan.
Sondai-aq 1 jeltoqsan kúniTáýelsizdik saraiynda National Geographic halyqaralyq baspasynyń «Uly Dala Juregi» kórmesi ashyldy. Ol dúisenbiden senbige deiin, saǵat 10:00-17:00 aralyǵynda jumys isteidi.
5 jeltoqsan kúni saǵat 12:00-de jáne 14:00-de ákimdikke qarasty qalalyq Qýyrshaq teatrynda jas kórermender «Meniń salǵan sýretim» baletin tamashalai alady.
Jastar teatrynda 5 jeltoqsan kúni saǵat 19.00-de «Istoriia vozliýblennyh« komediiasynyń premerasy ótedi.
5 jeltoqsan saǵat 11:00-de M. Gorkii atyndaǵy orys drama teatrynda «Prikliýcheniia Nastenki« ertegisi qoiylady. Transliatsiia YouTube-te kórsetiledi.
5 jeltoqsan saǵat 18:00-de M. Gorkii atyndaǵy orys drama teatrynda A.Ostrovskiidiń pesasy negizinde «Groza« spektakli ótedi.
