Elordalyq dárigerlerdiń jalaqysyna ústemeaqy qosý úshin 200 mln teńge bólindi. Bul týraly Nur-Sultan qalasynyń ákimi Altai Kólginov málim etti, dep habarlaidy QazAqparat.
«Búgin biz Memleket basshysynyń tapsyrmasy boiynsha statsionarlarda, densaýlyǵyn táýekelge tigip otyryp, óz mindetterin atqaryp júrgen dárigerlerge ústemeaqy berý úshin 200 mln teńge bóldik», - dedi Altai Kólginov onlain brifing kezinde.
Sonymen qatar qala ákimi memlekettik komissiianyń otyrysynda Prezidenttiń dárigerlerdi áleýmettik turǵyda qoldaý boiynsha qarjylyq kómegi týraly eske saldy.
«Iaǵni birinshi sanattaǵy dárigerler 800 myń teńge, al ekinshi sanattaǵylar 400 myń teńge, úshinshi sanattaǵylar 200 myń teńge alady. Bul aitarlyqtai kómek», - dedi ol.
Eske sala ketsek, keshe QR Aqparat jáne qoǵamdyq damý ministri Dáýren Abaev koronavirýs indetimen kúresip jatqan dárigerlerge úsh sanat boiynsha jalaqysyna ústemeaqy qosylatynyn málim etken edi.
