Dárigerlerdiń pikirinshe, infektsiianyń odan ári taralýyn boldyrmaý úshin qala ákimdigi qabyldaǵan sharalar oń nátije berýde, dep habarlaidy "Ult aqparat" qala ákimdigine silteme jasap.
«Qazaqstan» sport kesheninde ornalasqan PTR testileýdiń modýldik zerthanasyndaǵy nátije dálel bola alady. Zerthana meńgerýshisi Iýliia Tretiakovanyń aitýynsha, kún saiyn zerthanada 800-ge jýyq test jasalady.
«Biz 21 maýsymda jumysty bastadyq. Birinshi aptada jalpy test sanynyń 47%-y aýrýdy rastaǵan nátije berdi. Búginde tek 20%-y ǵana rastaldy. Iaǵni, COVID-19 juqtyrǵandardyń sany edáýir tómendegeni baiqalady. Demek, karantin boiynsha qabyldanǵan barlyq sharalardyń nátijesi boldy», – deidi Iu.Tretiakova.
Dárigerdiń aitýynsha, test nátijeleri bir kún ishinde daiyn bolady. Naýqastar óz emhanalarynda PTR analiz tapsyrady, sodan keiin material zerthanaǵa jetkiziledi. Analiz qorytyndysy elektrondy nusqada emhanalardaǵy emdeýshi dárigerge nemese statsionarǵa birden túsedi.
«Bizdiń zerthanada 20 adam qyzmet etedi. Munda dárigerler, orta meditsinalyq qyzmetkerler men eriktiler bar. Óte úlken jumys kólemi operatorlarǵa júkteledi. Sebebi analizderdi jan-jaqqa jiberý, elektrondy nusqasyn jasaý jáne ýaqytyly berý qajet. Sondai-aq, eń qaýipti bolyp sanalatyn birinshi boksta biologiialyq materialdardy qabyldaý júrgiziledi, bizge volonterler kómektesedi», – dep atap ótti mobildi PTR-zerthanasynyń meńgerýshisi.
