دەرٸگەرلەردٸڭ پٸكٸرٸنشە, ينفەكتسييانىڭ ودان ەرٸ تارالۋىن بولدىرماۋ ٷشٸن قالا ەكٸمدٸگٸ قابىلداعان شارالار وڭ نەتيجە بەرۋدە, دەپ حابارلايدى "ۇلت اقپارات" قالا ەكٸمدٸگٸنە سٸلتەمە جاساپ.
«قازاقستان» سپورت كەشەنٸندە ورنالاسقان پتر تەستٸلەۋدٸڭ مودۋلدٸك زەرتحاناسىنداعى نەتيجە دەلەل بولا الادى. زەرتحانا مەڭگەرۋشٸسٸ يۋلييا ترەتياكوۆانىڭ ايتۋىنشا, كٷن سايىن زەرتحانادا 800-گە جۋىق تەست جاسالادى.
«بٸز 21 ماۋسىمدا جۇمىستى باستادىق. بٸرٸنشٸ اپتادا جالپى تەست سانىنىڭ 47%-ى اۋرۋدى راستاعان نەتيجە بەردٸ. بٷگٸندە تەك 20%-ى عانا راستالدى. ياعني, COVID-19 جۇقتىرعانداردىڭ سانى ەدەۋٸر تٶمەندەگەنٸ بايقالادى. دەمەك, كارانتين بويىنشا قابىلدانعان بارلىق شارالاردىڭ نەتيجەسٸ بولدى», – دەيدٸ يۋ.ترەتياكوۆا.
دەرٸگەردٸڭ ايتۋىنشا, تەست نەتيجەلەرٸ بٸر كٷن ٸشٸندە دايىن بولادى. ناۋقاستار ٶز ەمحانالارىندا پتر اناليز تاپسىرادى, سودان كەيٸن ماتەريال زەرتحاناعا جەتكٸزٸلەدٸ. اناليز قورىتىندىسى ەلەكتروندى نۇسقادا ەمحانالارداعى ەمدەۋشٸ دەرٸگەرگە نەمەسە ستاتسيونارعا بٸردەن تٷسەدٸ.
«بٸزدٸڭ زەرتحانادا 20 ادام قىزمەت ەتەدٸ. مۇندا دەرٸگەرلەر, ورتا مەديتسينالىق قىزمەتكەرلەر مەن ەرٸكتٸلەر بار. ٶتە ٷلكەن جۇمىس كٶلەمٸ وپەراتورلارعا جٷكتەلەدٸ. سەبەبٸ اناليزدەردٸ جان-جاققا جٸبەرۋ, ەلەكتروندى نۇسقاسىن جاساۋ جەنە ۋاقىتىلى بەرۋ قاجەت. سونداي-اق, ەڭ قاۋٸپتٸ بولىپ سانالاتىن بٸرٸنشٸ بوكستا بيولوگييالىق ماتەريالداردى قابىلداۋ جٷرگٸزٸلەدٸ, بٸزگە ۆولونتەرلەر كٶمەكتەسەدٸ», – دەپ اتاپ ٶتتٸ موبيلدٸ پتر-زەرتحاناسىنىڭ مەڭگەرۋشٸسٸ.
