Biyl elordada KVI-men aýyrǵan 238 áiel deni saý náreste týdy, dep habarlaidy "Ult aqparat".
«Bir kún buryn qalalyq ftiziopýlmonologiia ortalyǵynyń infektsiialyq bóliminde COVID-19 aýrýymen aýyrǵan elorda turǵyny bosandy. Salmaǵy 4626 gramm jáne boiy 61 sm er bala deni saý bolyp dúniege keldi. Naýqasta koronavirýs infektsiiasy diagnozy aýrýhanaǵa túserden birneshe kún buryn, bosanýǵa bailanysty tekserilý kezinde anyqtalǵan», - delingen elorda ákimdiginiń Facebook paraqshasynda.
Aýrýhanaǵa túskenge deiin ol aýmaqtyq emhanada ambýlatoriialyq baqylaýda bolǵan. Bosanýdyń alǵashqy belgileri paida bolǵan kezde, áiel jedel járdem kóligimen ortalyqtyń infektsiialyq bólimshesiniń bosaný bólimine jetkizildi.
«Qabyldaý sátinde ginekologtardan, infektsionisterden jáne neonatologtardan turatyn № 1 kópsalaly qalalyq aýrýhananyń dárigerler toby áieldi emdeý jáne baqylaýmen ainalysqan. Bir kúnnen keiin deni saý bala dúniege keldi. Náresteni koronavirýs infektsiiasyna tekserý teris nátije kórsetti. Anasy men sábiiniń jaǵdaiy jaqsy», - dedi qalalyq ftiziopýlmonologiia ortalyǵynyń direktory Anna Tsepke.
Úshinshi ret bosanǵan ana 2015 jáne 2016 jyldary eki uldy ómirge ákelgen.
«Pandemiia bastalǵannan beri elordada KVI-men aýyrǵan 238 áiel deni saý náreste týdy», - delingen habarlamada.
