Endi avtoáýesqoilar men jolaýshylar koronavirýstyq infektsiiaǵa jyljymaly kólikte otyryp-aq test tapsyra alady, dep habarlaidy QazAqparat.
№2 kópbeiindi qalalyq aýrýhana» MKK bazasynda qysqa merzimde skrining júrgizýge múmkindik beretin qaýipsiz júie jumys istei bastaidy.
Mobildi ortalyqtyń qýaty kúnine 100-den astam testi quraidy. Bir adamǵa protsestiń uzaqtyǵyna 3-5 minýt ketýi múmkin, bul dástúrli skriningke jumsalatyn protsesiniń úshten bir bóligi.
«Bul koronavirýstyń aldyn alý úshin jasalǵan joba. Pilottyq rejimde jumys istep kórdik. Bir apta ishinde 700-ge jýyq kólik júrgizýshisi test tapsyrdy. Baǵasy - 10 myń teńge. Osy jerde tapsyrǵan test nátijesi 6-7 saǵatta belgili bolady.
Naýqas ony bir táýlik ishinde elektrondyq poshta arqyly PDF formatynda alady. COVID-19 virýsyna kúdikti bolǵan jaǵdaida osy kezeńde testilenýshi mamandandyrylǵan aýrýhanaǵa aýystyrylady. Mobildi skrining-ortalyq saǵat 08.00-den 20.00-ge deiin demalyssyz, indettiń sońyna deiin jumys isteitin bolady», - deidi qala ákiminiń orynbasary Baqtiiar Máken.
Mobildi ortalyqtyń jumys kezeńderi kelesi keste boiynsha qurylady: kirý — tirkeý — zerttep-tekserý — úlgi alý— shyǵý. Kirgennen keiin testilenýshiler jeke aqparat, epidemiologiialyq faktorlarmen bailanysty simptomdary bar saýalnamany toltyrady. Kabinada dene temperatýrasy kontaktisiz termometr kómegimen ólshenedi.
Tekserý ádisi virýstyń taralýyn boldyrmaý jónindegi sharalardyń ádettegi modeline ainaldy.
«Mobildi ortalyq turǵyndar kóp júretin jerge ornalastyryldy. Qajettilik bolsa qalanyń basqa jerlerinde de ashylýy múmkin. Bul jerde boiynda aýrý belgileri joq adamdar tekserile alady. Test aqysyn qolma-qol aqsha retinde berýge de, bank kartasy arqyly aýdarýǵa da bolady», - deidi №2 qalalyq kópbeiindi aýrýhananyń direktory Ivan Li.
Nur-Sultanda osyndai pýnkttiń ashylýy qala turǵyndary arasynda jasyryn aýrý oshaqtaryn anyqtaýǵa jáne asqynýlarǵa jol bermei, ýaqtyly sanitarlyq-epidemiologiialyq jáne emdeý-aldyn alý sharalaryn qabyldaýǵa múmkindik beredi.
