Elordada búginnen bastap 50 oryndyq dámhana men meiramhanalar jumysyn bastaidy, – dep habarlaidy QazAqparat.
Nur-Sultan qalasynyń Bas memlekettik sanitarlyq dárigeri Janna Pirálieva shyǵarǵan qaýlyda aitylǵandai 25 mamyrdan bastap shamamen 50 adam otyratyn orny bar dámhana men meiramhanalardyń jumysyna ruqsat etiledi.
«Zalǵa 50 oryndyq qoiý kerek jáne otyratyn oryndar arasy 2 metr qashyqtyqta bolýy tiis. Ujymdyq is-sharalar ótkizýge jáne banket pen saltanatty zaldardyń jumysyna tyiym salynady», - delingen qujatta.
Eske sala ketsek, 18 mamyrda elordada syiymdylyǵy 30 adamǵa deiingi qoǵamdyq tamaqtaný oryndary jumys istei bastaǵan. Ol kezdegi shart boiynsha, ǵimarattyń ishki jáne jazǵy alańdaryn qosqanda, jalpy klient sany 30-dan aspaýy tiis bolatyn.
Sondai-aq, elordada ázirshe karantin rejimi jeńildetilmeidi. Qala turǵyndary sanitarlyq normalardy qatań qatań saqtaýy kerek.
