Elordada búgin túnde jarty ailyq mólsherdegi qar jaýdy, dep habarlaidy "Ult aqparat" qala ákimdiginiń saityna silteme jasap.
«Qazgidromet» RMK málimetine sáikes, 18 aqpannan 19 aqpanǵa qaraǵan túni elordaǵa jarty ailyq jaýyn-shashyn mólsheri tústi.
«Túnde 7 mm bolsa, ailyq norma 15 mm quraidy. Aqpan aiynyń basynan beri jaýyn-shashyn mólsheri 33 mm quraidy», delingen habarlamada.
Qalalyq Tótenshe jaǵdai departamenti aýa raiynyń qolaisyzdyǵyna bailanysty qala turǵyndary men qonaqtaryna qaýipsizdik erejesin saqtaýdy suraidy.
Sinoptikterdiń málimeti boiynsha búgin boran men kóktaiǵaq kútilip, jeldiń jyldamdyǵy 23 m/s jetedi.
Eske sala ketsek, qalada aýa raiynyń qolaisyzdyǵyna bailanysty eskertý jariialanǵan.
Qazirgi tańda departamenttiń jedel shtaby qurylyp, onyń quramyna TJD, qalanyń azamattyq qorǵaý qyzmetteriniń, aýdandyq ákimdik, «QazAvtoJol» RMK qyzmetkerleri kirdi.
Sondai-aq qaýipsizdik maqsatynda qaladan shyǵatyn barlyq baǵyttaǵy tas joldar jabyldy. Elordalyq Tótenshe jaǵdai departamenti turǵyndarǵa muqiiat bolyp, aýa raiynyń ózgerýi týraly aqparatty jáne shekteýlerdi jiti qadaǵaýdy eskertedi.
Tótenshe jaǵdai týyndasa, «112» qyzmeti boiynsha nemese 24-51-71, 24-51-47, 24-52-12 jedel bailanys telefon nómirleri arqyly habarlasý kerek.
Túndegi qar tazalaý jumysyna 1 292 tehnika men 156 jol tazalaýshy jumyldyryldy.
Búgin elorda kóshelerin qardan tazartý jumysyna 1 407 tehnika men 1 100 jol jumysshysy tartyldy.
Al jalpy osy ýaqytqa deiin barlyǵy 4 110 472 tekshe metr qar poligondar tasyldy (325 497 reis).
