Elordada simfoniialyq orkestrdiń súiemeldeýimen jáne vokaldyq oryndaýda qazaq tilinde Disney-diń litsenziialanǵan «Juldyzdar sherýi» kinokontserti ótti. Kontserttik baǵdarlama Qazaqstan úshin arnaiy jasalyp, kórermenderge «Bolashaq» qorynyń bastamasymen memlekettik tilge dýbliajdalǵan áigili kinokartinalardyń kompozitsiialary usynyldy.
«Bolashaq» qorynyń Qamqorshylyq keńesiniń qurmetti múshesi Baýyrjan Baibek jinalǵandardy Táýelsizdiktiń 30 jyldyǵymen quttyqtai otyryp, Tuńǵysh Prezident Nursultan Nazarbaevtyń bastamasymen qolǵa alynǵan «Bolashaq» stipendiiasynyń arqasynda myńdaǵan qazaqstandyq jastardyń álemniń jetekshi oqý oryndarynda bilim alýǵa qoly jetkenin atap ótti. 2011 jyly baǵdarlama túlekteri qor qurǵan bolatyn. Atalǵan qordyń qaiyrymdylyq jáne bilim baǵdarlamalarynan bólek taǵy bir baǵyty memlekettik tildiń qoldanysyn keńeitý bastamasy boldy.
«2011 jyly biz tikelei Elbasynyń qoldaýymen «Ózińnen basta» jobasyn qolǵa alǵan edik. Búginde qazaq tilindegi sapaly ári básekege qabiletti kontentti elimizdiń balalary ǵana emes, sonymen qatar álemdegi otandastarymyz da kórý múmkindigine ie boldy. Ózderińizge málim, «Bolashaq» qory aýtist balalardyń máselelerimen de belsendi túrde ainalysyp júr. Birneshe jyldyń ishinde biz kóptegen inkliýziiany qoldaý kabinetterin ashtyq. Búgin osy zalda da erekshe qajettilikteri bar balalar qatysyp otyr. Árbir satylǵan biletten túsken qarajat inkliýzivti bilim berý jobalaryn damytýǵa jumsalatyn bolady», – dedi Baýyrjan Baibek.
Kinokontsert barysynda Nazima, Dinara Sultan, Gúlsim Myrzabekova, Ayree, Daniiar Ótegen, Indi Edilbaeva jáne basqa da ánshiler Disney-diń klassikalyq týyndylary – «Arystan patsha», «Sý perisi», «Mýlan», «Aladdin», «Pokahontas», sondai-aq «Muzdy ólke», «Moana», «Ańdar shahary» sekildi zamanaýi animatsiialyq filmderdiń áigili kompoiztsiialaryn oryndady. Shyǵarmalar «Astana Balet» teatrynyń simfoniialyq orkestriniń súiemeldeýimen shyrqaldy. Orkestrdiń bas dirijeri – Arman Orazǵaliev.
«Osynaý ǵajaiyp kontsert – qordyń 10 jyldyq mereitoiynyń qurmetine orai elorda turǵyndaryna jasaǵan tartýy. Bul mýltimádeni is-shara balalardy súiikti mýltfilmderi arqyly klassikalyq aspaptyq mýzyka tyńdaýǵa yntalandyra otyryp, ana tilimizdiń bailyǵy men shurailylyǵyn pash etedi. Kinokontsert bizdiń qazaq tilinde sapaly kontent jasaý boiynsha uzaq jylǵy jumysymyzdyń jalǵasy bolyp otyr. Osynaý jobalarǵa 1,5 mlrd. teńge bólgen 22 kompaniianyń demeýshilik kómeginiń arqasynda jetekshi kinokompaniialardyń 38 filmi dýbliajdaldy», – dep atap ótti qordyń qamqorshylyq keńesiniń tóraǵasy Dinara Gaplan.
