Elordada 29 sáýir - 10 mamyr aralyǵynda B.Momyshuly dańǵyly men A.Toqpanov kóshesiniń qiylysy kólik qozǵalysy úshin jabylady, dep habarlaidy "Ult aqparat".
Nur-Sultan qalasy Politsiia departamentiniń baspasóz qyzmetinen málim etkendei, 29 sáýir - 10 mamyr aralyǵynda Daýylpaz kóshesinen Elim-ai kóshesine deiingi aimaqta jaýyn sýyn aǵyzatyn júieniń magistraldi kollektory tóseletindikten, B.Momyshuly dańǵyly men A.Toqpanov kóshesiniń qiylysynda eki baǵytta kólik qozǵalysy toqtatylady.
«Kólik qozǵalysy tiisti jol belgilerin qoiý arqyly ainalma jolmen uiymdastyrylady», - delingen baspasóz habarlamasynda.
Bul ýchaskedegi kólik jyldamdyǵy saǵatyna 40 km-ge deiin shektelgen. Qalalyq politsiia departamenti keptelis bolmaý úshin jol júrý marshrýtyn aldyn ala josparlaýdy eskertedi.
