International Academy of Refrigeration (IAR – Halyqaralyq sýyq akademiiasy) elordada H mereitoilyq ǵylymi-tehnikalyq konferentsiiasyn ótkizip jatyr, dep habarlaidy "Ult aqparat".
Konferentsiianyń negizgi taqyryby – Qazaqstan Respýblikasyndaǵy ónerkásiptik tońazytý jáne konditsionerlik aýa salasyndaǵy energiia jáne ekonomikalyq tiimdilikti arttyrý, ekologiialyq turǵyda qaýipsiz tehnologiialardy damytý bolyp otyr. Shara barysynda bilim, ǵylym, biznes jáne ártúrli óndiris salasynyń mamandary bas qosyp, mańyzdy máselelerdi talqylaýda.
«Bul konferentsiianyń tarihy 2011 jyldan bastalady. 2010 jyly Qazaqstanda IAR-dyń ókildigi ashyldy da, kelesi jyldyń naýryzynda Almatydaǵy «Medeýde» alǵashqy jiyndy ótkizgen edik. Jyl saiyn qatarymyzǵa qosylyp, sharanyń aýqymy keńeiip keledi. Bizdiń konferentsiia eń aldymen qazaqstandyq biznes ókilderiniń ózara seriktese jumys júrgizýin, aqyldasyp, eńbek etýin kózdeidi. Osylaisha osy talqylaýdyń arqasynda seriktesterdiń, taraptardyń kásibi ósimine qol jetkizemiz», - dedi Qazaqstandaǵy IAR ókildiginiń tóraǵasy Aleksandr Tsoi.
Konferentsiiany IAR Ekologiia, geologiia jáne tabiǵi resýrstar ministrligimen, Qazaqstan tońazytqysh ónerkásibi qaýymdastyǵymen, Qazaqstan tamaq ónerkásibi odaǵymen, «QazExpoCongress» UK» AQ-pen birge ótkizýde.
