Elordadaǵy Prezident baǵy, Triatlon baǵy men Esil jaǵalaýy velosiped jáne jaiaý júrginshiler jolymen qosyldy. Bul týraly Nur-Sultan qalasynyń Almaty aýdanynyń ákimi Bektenbai Esbolov málim etti, dep habarlaidy "Ult aqparat".
«Qalada aýqymdy saiabaqtardy biriktirý jumystary júrgizilip jatyr. Ol baqtar: Triatlo, Prezident baǵy jáne Esil ózeniniń jaǵalaýy. Qala basshylyǵynyń tapsyrmasymen biz eki aidyń ishinde osy baqtarty velosiped jáne jaiaý júrginshilerge arnalǵan joldardyń kómegimen biriktirdik. Qazirgi ýaqytta baqtardyń aýmaǵy sporttyń kez kelgen túrinen saiys ótkizýge múmkindik beredi», - dedi Bektenbai Esbolov «Astana – adaldyq alańy» Facebook paraqshasynda suraqtarǵa jaýap bere otyryp.
Onyń aitýynsha osy baqtardyń jalpy aýmaǵy 250 gektardy quraidy.
«Salystyrý úshin aita keteiin: Londondaǵy Hyde Park aýmaǵy 142 gektardy, al Niý-Iorktaǵy Central Park aýmaǵy 341 gektardy quraidy. Sonymen birge elordada biriktirilgen úsh baqtyń gazondy aýmaǵy 1,9 mln sharshy metrge jetkizildi. Bul – jalpy Almaty aýdanyndaǵy gazondy aýmaqtyń úshten eki bóligine teń. Al velosiped jolynyń qashyqtyǵy – 20 shaqyrym», - dedi ol.
