Elorda politseileri qala turǵyndaryna balalardyń qaýipsizdigine qatysty eskertý jasady. Sebebi kún jylynǵannan bastap balalardyń turǵyn úi terezinen qulaýy qaýpi artady, dep habarlaidy "Ult aqparat".
Jyl basynan beri elordada kópqabatty úidiń terezesinen tórt bala qulap, bireýi mert boldy.
«18 mamyr kúni keshqurym qalalyq aýrýhananyń jansaqtaý bólimine tórtinshi qabattan qulap, aýyr jaraqat alǵan bir jasar bala jatqyzyldy. Páterde eki jastaǵy jáne bir jastaǵy qos sábiimen anasy birge bolǵan. Balalardyń anasy kir jýyp júrgende, sábidiń biri asúidiń ashyq turǵan terezesinen qulap túsken. Terezede moskit tory bolǵan, al qaýipsizdik jabdyqtary ornatylmaǵan», - delingen Politsiia departamenti málimetinde.
Budan bólek, ótken aptada 4 jastaǵy bala 10-qabattan qulap, mert boldy.
Osy oraida politseiler kóktem jáne jaz kezinde balalardyń terezeden qulaýy sekildi qaiǵyly oqiǵalar jiilep ketetinin aityp otyr.
Mamandar ashyq terezeniń aldynda balany qaraýsyz qaldyrmaýǵa, sondai-aq arnaiy qaýipsizdik torlaryn ornatýǵa keńes berip otyr.
