Ótken táýliktiń ishinde elorda aýmaǵynda 75 jol-kólik apaty tirkeldi, zardap shekkender joq. Bul jaiynda qalalyq politsiia departamentinen málim etti, dep habarlaidy "Ult aqparat".
Departament málimetinshe, aýa raiynyń qolaisyzdyǵy qala kóshelerinde ahýaldy qiyndatyp jibergenmen jaǵdai politsiia qyzmetkerleriniń jiti baqylaýynda boldy. Quqyq qorǵaýshylar kúsheitilgen qyzmet atqarý rejiminde júmys istep, jol qozǵalysy qaýipsizdigin qamtamasyz etý úshin qosymsha is-sharalar qabyldady. Jolda, qar qursaýynda qalǵan júrgizýshilerge kómek kórsetip, kólikterin qyzmettik kólikterimen tartyp shyǵaryp berip otyrdy. Politsiia qyzmetkerlerine azamattyq belsendiligi joǵary turǵyndar da kómek qolyn sozyp, ózderiniń jol talǵamaityn kólikterimen júrgizýshilerge kómek kórsetti. Jol qozǵalysy qaýipsizdigi úshin qajetti barlyq is-shara qabyldandy.
Sonymen qatar qalalyq departament júrgizýshilerden joldarda asa abai bolýdy jáne jol qozǵalysy erejesin qatań saqtaýdy ótinedi.
«Júrgizýshiler barynsha muqiiat bolyp, jyldamdyq rejimin jáne qaýipsiz ara qashyqty buljytpai saqtaý qajet. Jaiaý júrginshilerden joldy belgilengen jerlerden ǵana ótýdi suraimyz. Osyǵan bailanysty, júrgizýshilerdi jaiaý júrginshiler ótkeli aldynda jyldamdyqty barynsha azaitýdy, jalpyǵa bilim berý mekemeleriniń mańynda asa muqiiat bolýdy eskertemiz», - dedi vedomstvodan.
