ٶتكەن تەۋلٸكتٸڭ ٸشٸندە ەلوردا اۋماعىندا 75 جول-كٶلٸك اپاتى تٸركەلدٸ, زارداپ شەككەندەر جوق. بۇل جايىندا قالالىق پوليتسييا دەپارتامەنتٸنەن مەلٸم ەتتٸ, دەپ حابارلايدى "ۇلت اقپارات".
دەپارتامەنت مەلٸمەتٸنشە, اۋا رايىنىڭ قولايسىزدىعى قالا كٶشەلەرٸندە احۋالدى قيىنداتىپ جٸبەرگەنمەن جاعداي پوليتسييا قىزمەتكەرلەرٸنٸڭ جٸتٸ باقىلاۋىندا بولدى. قۇقىق قورعاۋشىلار كٷشەيتٸلگەن قىزمەت اتقارۋ رەجيمٸندە جٷمىس ٸستەپ, جول قوزعالىسى قاۋٸپسٸزدٸگٸن قامتاماسىز ەتۋ ٷشٸن قوسىمشا ٸس-شارالار قابىلدادى. جولدا, قار قۇرساۋىندا قالعان جٷرگٸزۋشٸلەرگە كٶمەك كٶرسەتٸپ, كٶلٸكتەرٸن قىزمەتتٸك كٶلٸكتەرٸمەن تارتىپ شىعارىپ بەرٸپ وتىردى. پوليتسييا قىزمەتكەرلەرٸنە ازاماتتىق بەلسەندٸلٸگٸ جوعارى تۇرعىندار دا كٶمەك قولىن سوزىپ, ٶزدەرٸنٸڭ جول تالعامايتىن كٶلٸكتەرٸمەن جٷرگٸزۋشٸلەرگە كٶمەك كٶرسەتتٸ. جول قوزعالىسى قاۋٸپسٸزدٸگٸ ٷشٸن قاجەتتٸ بارلىق ٸس-شارا قابىلداندى.
سونىمەن قاتار قالالىق دەپارتامەنت جٷرگٸزۋشٸلەردەن جولداردا اسا اباي بولۋدى جەنە جول قوزعالىسى ەرەجەسٸن قاتاڭ ساقتاۋدى ٶتٸنەدٸ.
«جٷرگٸزۋشٸلەر بارىنشا مۇقييات بولىپ, جىلدامدىق رەجيمٸن جەنە قاۋٸپسٸز ارا قاشىقتى بۇلجىتپاي ساقتاۋ قاجەت. جاياۋ جٷرگٸنشٸلەردەن جولدى بەلگٸلەنگەن جەرلەردەن عانا ٶتۋدٸ سۇرايمىز. وسىعان بايلانىستى, جٷرگٸزۋشٸلەردٸ جاياۋ جٷرگٸنشٸلەر ٶتكەلٸ الدىندا جىلدامدىقتى بارىنشا ازايتۋدى, جالپىعا بٸلٸم بەرۋ مەكەمەلەرٸنٸڭ ماڭىندا اسا مۇقييات بولۋدى ەسكەرتەمٸز», - دەدٸ ۆەدومستۆودان.
