Sybailas jemqorlyqqa qarsy is-qimyl agenttiginde Bilim jáne ǵylym ministrligin ońtailandyrý máselelerin talqylaý boiynsha kezdesý ótti, dep habarlaidy QR Sybailas jemqorlyqqa qarsy is-qimyl agenttiginiń baspasóz qyzmeti.
Aǵymdaǵy jyldyń 4 qyrkúieginde Qazaqstan Respýblikasy Sybailas jemqorlyqqa qarsy is-qimyl agenttiginde alańynda Agenttik basshysy A.Shpekbaevtyń jáne Bilim jáne ǵylym ministri Q. Aimaǵambetovtiń tóraǵalyǵymen BǴM qurylymyn ońtailandyrý máselesi boiynsha kezdesý ótti.
Keńes jumysyna sondai-aq Ulttyq ekonomika vitse-ministri A.Shaimova, Bilim jáne ǵylym, Ádilet ministrlikteriniń, sybailas jemqorlyqqa qarsy is-qimyl agenttiginiń jáne qoǵamdyq uiymdardyń ókilderi qatysty. Memlekettik organdardy ońtailandyrýdyń basty maqsaty - básekege qabiletti jáne kepildi eńbekaqymen qamtylǵan tiimdi memlekettik apparat qurý.
Elbasy atap ótkendei: «Jalaqyny kóterý biýdjettik shyǵyndardy ońtailandyrýmen jáne únemdeýmen bailanysty bolýy tiis, onyń ishinde memlekettik organdardyń vedomstvolyq baǵynysty uiymdary da tys qalmaýy tiis».
Bul úshin tiisti Jarlyq shyǵaryldy («Ákimshilik reformany odan ári júrgizý jónindegi keibir sharalar týraly» Qazaqstan Respýblikasy Prezidentiniń 2007 jylǵy 29 naýryzdaǵy N 304 Jarlyǵy).
Birinshi basshylardyń memlekettik organnyń shtattyq sany men uiymdyq qurylymyn óz betinshe anyqtap, únemdelgen qarajatty jalaqyny kóterýge baǵyttaýy úshin quqyqtyq negiz quryldy.
Ótken kezdesýde BǴM janyndaǵy «Adal bilim» sybailas jemqorlyqqa qarsy jobalyq keńsesi Bilim jáne ǵylym ministrliginiń qurylymyna júrgizilgen taldaý qorytyndylaryn usyndy.
Jobalyq keńse memlekettik apparattyń básekege qabilettiligin arttyrýdyń negizgi faktory qyzmetkerlerdiń jalaqysyn joǵarylatý jáne ministrliktiń fýnktsiiasyn qaitalaityn vedomstvolyq baǵynysty uiymdardyń qyzmetin ońtailandyrý jónindegi, ákimshilik shyǵyndardy qysqartý, ortalyqtaǵy jáne óńirlerdegi artyq qurylymdyq bólimshelerdi qysqartý, basshylar men oryndaýshylardyń qatynasyndaǵy sáikessizdikti ózgertý boiynsha usynystardy engizdi.
Budan bólek, jumys keńesi barysynda shyǵystar men uiymdastyrý qurylymyn ońtailandyrý esebinen jalaqynyń joǵary deńgeiin qamtamasyz etýge múmkindik bergen Ádilet ministrliginiń, Nur-Sultan, Almaty qalalarynyń, Mańǵystaý oblysynyń jáne Agenttiktiń sátti tájiribesi tanystyryldy. Bul ońtailandyrý nátijesinde buryn memlekettik qyzmetten kóbinese kvazi-sektorǵa ketip qalyp júrgen úzdik mamandardy jaldaýǵa múmkindik berdi.
Bilim jáne ǵylym ministri A. Aimaǵambetov BǴM qyzmetin ońtailandyrý, onyń ishinde 27 JOO-ny kommertsiialyq emes aktsionerlik qoǵam nysanyna kóshirý jáne josparlanǵan 6 memlekettik úlesterdi jekeshelendirý boiynsha bastalǵan jumystyń mańyzdylyǵyn atap ótti.
Kezdesý qorytyndysy boiynsha Bilim jáne ǵylym ministri engizilgen usynystardy qoldap, azamattyq qoǵam jáne Agenttikpen tyǵyz qarym-qatynas jasai otyryp, osy baǵyttaǵy jumysty jalǵastyrýǵa daiyndyǵyn bildirdi.d
