Elordada salynyp jatqan turǵyn úiden qulaǵan qurylysshyǵa dárigerler barlyq qajetti meditsinalyq kómekti kórsetýde.
Bul jaiynda Nur-Sultan qalalyq qoǵamdyq densaýlyq saqtaý basqarmasynan málim etti, dep habarlaidy "Ult aqparat".
«20 mamyrda №2 kópsalaly qalalyq aýrýhanaǵa jedel járdem qyzmetimen 1984 jyly týǵan naýqas jetkizildi. Kýágerlerdiń aitýynsha, ol 10-shy qabattan qulaǵan. Aýrýhanaǵa túsken kezde naýqas es-tússiz kúide boldy. Reanimatsiialyq sharalar dereý bastaldy. Aldyn ala diagnoz: bastyń jabyq jaraqaty. Naýqasta sonymen birge deneniń túrli jaraqattary bar. Naýqas barsha meditsinalyq qyzmetkerlerdiń baqylaýynda. Oǵan barlyq qajetti meditsinalyq kómek kórsetiledi», - dep atap ótedi vedmostvodan.
